Тәуелсіздіктің тұғыры алтын
Тәуелсіздік! Ол ата-бабамыздың мыңжылдықтардан сыңсып жеткен арман аңсауы, үміті мен сенімі. Ол-егемендік пен дербестіктің самал желі, азаттықтың алтын шуағы. Ұрпақ болашағы. Еліміз тәуелсіздіктің, бесігінде тербелгелі отыз төрт жыл. Қазақстан етек-жеңін жиып, шекарасын бекітіп, әлем елдерімен достық қарым-қатынас жасасып, өз алдына зайырлы ел болды. 1991 жылы 16 желтоқсанда егемендігін алған Қазақстан ұлты мен ұлысы, салты мен дәстүрі, мәдениеті мен экономикасы қалыптасқан елге айналды. Желтоқсан желімен ызғарына, қарсы тұрған кешегі аға-әпкелеріміздің рухы мен ерліктерінің арқасында шаңырағы биік, керегесі кең мемлекет болып қалыптастық. Тәуелсіздік ащы термен келген тәтті жеңіс.
Тәуелсіздігіміздің көмегімен халқымыздың тәуелсіздік нышандары бой көтерді.
Туым-теңдігім,
Елтаңбам-елдігім.
Әнұраным-айбыным!-демекші қақортасында алтын алауы алаулаған, қалықтап ұшқан қыран бүркіт үстіндегі күн бейнесі бейнеленген аспан түстес көк Байрағымыз, қос қанатты шабыттана алға ұмтылған ат бейнесімен қоса, шаңырақ, бейбітшілік, татулықты баяндайтын бес тармақты жұлдыз бейнесі бейнеленген тәуелсіздік Елтаңбамыз бен халқымыздың батыл, ер жүректігін сипаттайтын Әнұранымыз жарық көрді.
Ғасырлар бойы аңсатып жеткен азаттықпен, тәуелсіздікпен келген халық рухының асқақтығы мәңгілік болғай!
Сырым аудандық соты әкімшісінің бас маманы Г.К.Нурабалиева
[xfvalue_img]
