Әзербайжан судьялары Қазақстанның Жоғарғы Сотына келді
◾️ Қазақстанның жоғары сот органында Жоғарғы Соттың азаматтық істер жөніндегі сот алқасының төрағасы Санан Гаджиев бастаған Әзербайжан судьяларының делегациясы болды.
◾️ Әзербайжан судьяларының Астанаға бұл жұмыс сапары - соңғы үш жылдағы үшінші сапары. Соның аясында делегация Қазақстан соттарында жүргізіліп жатқан реформаларды егжей-тегжейлі зерделеуді жоспарлады.
◾️ Әзербайжандық делегацияның келуіне орай ізгі тілегін жеткізе отырып, Қазақстан Республикасы Жоғарғы Сотының Төрағасы Асламбек Мерғалиев сот төрелігіне қолжетімділікті кеңейтуге және бұзылған құқықтарды қорғауға бағытталған сот реформасының негізгі бастамаларына тоқталды.
◾️ Олардың қатарында - әкімшілік әділетті дамыту (азаматтар мен кәсіпкерлер мемлекеттік органдарға қарсы істердің 58 пайызын жеңеді), апелляцияның рөлін күшейту, отбасылық соттарды құру, эксаумақтық соттылықты енгізу, сондай-ақ кассациялық қадағалауды жетілдіру мәселелері бар.
◾️ Сонымен қатар, соттарды қаржыландырудың жаңа моделін енгізу арқылы судьялардың тәуелсіздігін нығайту, судьяларды кәсіби бағалау әдістемесін жетілдіру және сот ісін жүргізуді цифрландыру атап өтілді.
◾️ Аталған реформалар туралы толығырақ ҚР Жоғарғы Сотының азаматтық істер жөніндегі сот алқасының төрағасы Нұрсерік Шәріпов пен ҚР Жоғарғы Сотының судьясы Арыстанбек Стыбаев айтып өтті.
◾️ Одан кейін делегация республика соттарының қызметін талдаумен және мониторинг жүргізумен айналысатын Жоғарғы Соттың ахуалдық орталығының мүмкіндіктерімен таныс болды.
◾️ Қонақтарды жасанды интеллект элементтері бар IT-қызметтері, сондай-ақ роботтық процестер ерекше қызықтырды.
◾️ Сапар барысында қонақтар Жоғарғы Сотқа жылы жылы шырайлы қабылдау үшін алғыс айтып, ынтымақтастықты дамытуға екі жақты ниетті екенін атап өтті.
◾️ Сапар барысында әзербайжандық делегация елордалық соттардың, АХҚО Төрелік орталығының және Жоғары Сот Кеңесінің жұмысымен де танысуды жоспарлады.
[xfvalue_img]
