Қазақстан Республикасының мемлекеттік қызметшілері үшін жұмыс орнындағы кибергигиена қағидалары
Қазіргі таңда технологиялар мен интернеттің дамуы адам өмірінің барлық саласына әсер етуде. Дегенмен цифрлық ортада жұмыс жасау қауіпсіздікті сақтауды талап етеді. Кибер гигиена - бұл желіде қуіпсідік ережелерін сақтау арқылы жеке деректермен құрылғыларды қорғау әдістерінің жиынтығы.
Кибергигиена – бұл цифрлық дәуірде әр бір интернет қолданушысы үшін аса маңызды қағидалар жиынтығы. Қауіпсіздік шараларын сақтау жеке деректерді қорғауға ғана емес, сонымен қатар қоғамның ұйымдардың және мемлекеттің қауіпсіздігіне де ықпал етеді.
Кибергигиенаның маңызды басты мақсаты, интернет қолданушыларды әртүрлі қауіптерден соның ішінде вирус, хакерлік шабуылдар және деректердің ұрлануынан қорғау. Бұл ережелерді сақтау жеке және қоғамдық қауіпсідік үшін аса маңызды.
Электронды поштаға, ия болмаса басқа әлеуметтік желілердегі белгісіз сілтемелерді ашпаған және компьютерге жүктемеген абзал. Тіркелу деректерін, жалпы әлеуметтік желідегі, электронды поштадағы немесе қандай да бір сайттағы тіркелу дерегін мезгілімен тексеріп, ол жердегі құпиясөздің сенімді болуын қадағалау. Нақтысын айтқанда, 12345678 немесе qwerty деген сияқты, сонымен қатар өз атыңызды қолданудың қажеті жоқ. Ондай құпиясөздер бір сәтте-ақ бұзылуы мүмкін. Бұл жерде сіздерге беретін кеңес – құпиясөзіңізде бас әріп, кіші әріп, сандар және символдар болуы керек. Сол уақытта сіздің құпиясөзіңіз сенімді болып есептеледі.
Кибергигиенаны сақтамау кибер шабуылдарға, банк шоттарының бүзылуына, жеке мәлеметтердің таралуына алып келуі мүмкін. Бұл жеке тұлғаның ғана емес, тұтас ұйымдардыңда қауіпсіздігіне зиян келтіреді.
Қарапайым және басты ереже – өзіңіздің жеке деректеріңізді ешқашан бөгде адамға бермеу. Көз жеткізгеніміздей, күнделікті іс-әрекеттеріміз интернет кеңістігінде жүзеге асып жатқан кезеңде ақпараттық қауіпсіздік ұғымына үлкен мән беруіміз керек. Дүниежүзі алуан түрлі адам ауруына қарсы күреспен қатар, ақпараттық пандемиясымен де күресіп жатыр. Сондықтан, әр таратқан хабарламаға абай болып, маман айтқан кеңестерді ескере жүрген жөн.
Ақтөбе гарнизоны әскери сотының сот приставы Ж.А.Айтмагамбетов
[xfvalue_img]
