ҚҰҚЫҚТЫҚ ЖҮЙЕДЕГІ КАССАЦИЯЛЫҚ СОТТАРДЫҢ ҚЫЗМЕТІ
«Қазақстан Республикасының сот жүйесі мен судьяларының мәртебесі туралы» Конституциялық заңы 2-1- таруымен толықтырылған болатын. Онда кассациялық сот жөнінде нормалар көзделген, десекте аталған тараудың 16-2- бабына сәйкес, кассациялық сотттарды Жоғарғы Сот Төрағасының Жоғарғы Сот Кеңесімен келісіп ұсынуы бойынша Қазақстан Республикасының Президенті құрады, қайта ұйымдастырады, атауын өзгертеді және таратылады. Кассациялық сот – ол Жоғарғы сот сатысы. Бүгінде сот жұмысын жетілдіру мемлекеттің негізгі міндеттерінің бірі болып табылатыны айдан анық десекте болады. Сот жүйесіндегі сот процестерінде екі тараптың өз мүдделерін қорғау мақсатында, екі жақтыңда уәждері тыңдалып, жан-жақты қаралғандықтан, жеңілген тараптың наразылығы болады, алайда дауларды шешудіңде заң жүзінде өз шешімдері бар, біріншіден тоқтала кетсек, әр аяқталған істер бойынша сот актілерін түсіндіру және сот отырыстарын дыбыс-бейне таспаға жазу секілді шаралар сотқа деген наразылықты едәуір азайтты, алайда сот төрелігіне сенімді нығайту үшін әртүрлі бағытта жұмыстар жүргізіліп, жаңа реформалар енгізіліп жатырғанын да байқауға болады.
Қазақстан Республикасының құқықтық жүйесі соңғы жылдары бірқатар маңызды өзгерістер мен реформаларды бастан өткеруде, соның ішінде айта кететін реформа - кассациялық соттардың құрылуы, кассациялық соттар – сот жүйесін жаңғыртуға арналған жаңа инстанция.
Бұл дегеніміз – әділетті сот жүйесін күшейтіп, азаматтардың құқықтарын сапалы қорғауды жақсартуға бағытталған, атап айтқанда бірінші және апелляциялық сатыларда қаралған сот актілерін қайта қарауға және заңды қадағалаудың күшейтілуіне және заң бұзушылықтардың алдын-алуына жол ашады. Ең бастысы бұл кассациялық саты толық тәуелсіз болады, яғни әділ сот төрелігін құру осылайша, сот жүйесін реформалау, заңнамаларды жетілдіру одан әрі әр Қазақстан Республикасының азаматының сотқа және судьяларға деген, жалпы сот жүйесіне деген сенімді артыра түсетініне кәміл сенуімізге болады.
Опиева Қ.М.
Бөкейордасы аудандық соты Әкімішісінің басшысы
[xfvalue_img]
