А.Мерғалиев ТМД елдері Жоғарғы (жоғары) соттары төрағалары кеңесінің отырысында сөз сөйледі
◾️Қазақстан Жоғарғы Сотының Төрағасы Асламбек Мерғалиев Ереванда (Армения) өткен ТМД елдері Жоғарғы соттары (жоғары) төрағалары кеңесінің 1-ші отырысында сөз сөйледі.
◾️Оның жұмысына сондай-ақ Кеңес мүшелері – ТМД-ға қатысушы мемлекеттердің Жоғарғы (жоғары) соттары төрағалары кеңесін құру туралы келісімге қатысушы мемлекеттердің жоғарғы соттарының төрағалары және өкілетті өкілдер, Арменияның Конституциялық соты мен Жоғары Сот Кеңесінің төрағалары, ТМД Экономикалық сотының төрағасы, ТМД Атқару комитетінің, Ресей мемлекеттік сот төрелігі университетінің өкілдері қатысты.
◾️Кеңес төрағасы, Армения кассациялық сотының төрағасы Лилит Тадевосян өткізген отырыстың ауқымды күн тәртібі Келісімге қатысушы мемлекеттердің сот органдарының құқықтық ынтымақтастығы мәселелеріне және алдағы екі жылға арналған бірлескен іс-шараларға арналды.
◾️А.Мерғалиев өз сөзінде ТМД Жоғарғы соттары төрағалары кеңесінің алаңында сот жүйесінің басым мәселелері бойынша пікір алмасудың өзектілігін атап өтті.
◾️Ол Қазақстанда жүргізіліп жатқан реформаның сот билігінің тәуелсіздігін нығайтуға, сот төрелігінің қолжетімділігі мен сапасын арттыруға бағытталғанына тоқталды.
◾️Ол сот жүйесін қаржыландырудың жаңа моделін енгізу, үш кассациялық сот сатысын құру, сот орындаушыларымен
шетелге шығуға шектеулерді санкциялауды роботтандыру және
алимент өндіру туралы бұйрықтар, жасанды интеллект элементтері бар «Сот практикасының цифрлық талдауы» сервисін іске қосу туралы айтты.
◾️Әкімшілік әділет пен сот менеджментінің қазақстандық моделін халықаралық деңгейде тану туралы әңгіме қозғалды.
◾️Кеңеске қатысушылар құқықтық көмек көрсету, цифрландыру және соттардың қызметіне ақпараттық-коммуникациялық технологияларды, жасанды интеллект енгізу, судьялардың біліктілігін және сот қызметкерлерінің кәсіби деңгейін арттыру, реформалар саласындағы тәжірибе алмасу механизмдерін дамыту және сот жүйесінің тиімділігін арттыру, сот практикасы мен құқықтық ақпарат алмасу аясындағы өзара іс-қимылдың өзекті мәселелерін талқылады.
◾️Кеңестің келесі отырысы 2026 жылы Минскіде өтеді.
◾️Іс-шара аясында Жоғарғы Сот Төрағасы А.Мерғалиев пен Арменияның кассациялық сотының төрағасы Л.Тадевосянның кездесуі өтті.
◾️Тараптар екі елдің жоғары соттары арасындағы өзара ынтымақтастық мәселелері бойынша пікір алмасты.
[xfvalue_img]
