Әдеп кодексі – мінсіз қызмет кепілі
Мемлекеттік қызметкер қоғаммен қызмет атқаратындықтан, қарым – қатынас мәдениетін меңгеруі шарт. Қызмет барысында өзін ұстай білуі, сырт келбеті, киім үлгісі, сөз саптауы, әр қимыл – әрекеті мемлекеттік қызметкердің қабылданған этикет жүйесінде қарастырылған.
ҚР Президентінің 2015 жылғы 29 желтоқсандағы №153 Жарлығымен мемлекеттік қызметшілерге арналған Әдеп кодексі қолданыла бастады. Аталған заңнамаға сай мемлекеттік қызметшілердің моральдық – адамгершілік бейнесіне және іскерлік қасиетіне қойылатын талап күшейтілді. Мемлекеттік қызметшілер жұмыс уақытынан бөлек, бос уақытында да Әдеп кодексін қатаң ұстануға міндетті. Оның ішінде оларға сыпайы, өзінің лауазымдық артықшылығын алға тартпайтын және жеке бас пайдасына қолданбайтын адал, баршаға ортақ қабылданған іскери стильге сай өзін ресми түрде ұстап, сабырлы, салмақты, ұқыпты болу тапсылырған. Сондай – ақ еліміздегі тілдерге, салт – дәстүрлерге сыйластықпен қарап, әділ де заңды шешім қабылдап, орынсыз сөз тасымай, сынға дұрыс көзқарас және мемлекет меншігін тек қызмет бабында пайдалануы ңақтыланған. Бұдан бөлек мемлекеттік қызметші жемқорлық фактісіне қатысты, тіпті есімінің аталуына жол бермеуге, қарауындағы ұжымды кемсітпеуге, қызметкердің барлығына құрметпен қарауға тиіс. Мемлекеттік қызметкердің этикет сақтауы өте маңызды. Себебі ол әртүрлі адаммен тікелей қарым – қатынас жасай отырып, қызмет атқарады. Сондықтан мемлекеттік қызметкердің сыртқы бейнесі, киім киісі, қимыл – әрекеті, сөйлеу мәнері, ой – пікірі, жеке қасиетінің барлығы да адамға нұқсан келтірмейтіндей болуы шарт.
Еліміздің ертеңі мен бүгіні мемлекеттік қызметшілердің адамдық парасаты мен ар – ожданына және кәсібилігіне байланысты болғандықтан, «Біздің міндет – халыққа қызмет!» ұранына ұстанамыз.
Р.Т.Ибрашов
Орал қалалық сотының бас маманы – сот отырысының хатшысы
[xfvalue_img]
