Тіл құндылығымызды жаңғырту-ел мерейі!
Мемлекеттік тіл-қазақ тілін меңгеру-әрбір Қазақстан Республикасы азаматының парызы. Мемлекеттік органдардың актілері мемлекеттік тілде әзірленіп, қажет болған жағдайда басқа тілдерге аударылады. Қазақ тілінің байлығы мен қабілеті әлем тілдерінің қай-қайсысын алсаңыз да, соларға лайық, пара-пар және оны осылай айтуға толық негіз бар. Сонау ғасырлар бойы қазақтың ұлт ретіндегі мәдени тұтастығына ұйытқы болған-оның қасиетті де киелі ғажайып тілі. Сол ғажайып қазақ тілінің мәртебесі қаншалықты деңгейде, оны дамытып нығайтуға қандай шаралар атқарылуда деген сұрақтар өз жауабын тапқандай.
Мемлекеттік тіл –ұлттық сананың ең басты кілті. Тілді сөйлеу арқылы санамыздың бір түкпірінде жатқан өткен тарихқа деген көзқарасымызды түзейміз, келешекке деген көзқарасымыз ұлғаяды.
Егемендік елдің бір белесі-мемлекеттік қазақ тілі. Осы ел белесін жоғары деңгейде ұстау үшін сот жүйесі мемлекеттік қазақ тілін игеруге одан әрі дамытып нығайтуға өз үлестерін қосып келеді.
Мемлекеттік тілге басымдық беретін, оның мәртебесін жоғарылатын бап Ата-заңымызда көрсетілсе де, кейбіреулеріміз осы мәселеге немқұрайлы қарап, мән бермейміз. Қазақ тілінің туын қазақ көтермесе, кім көтереді. Қазақ тілінің тиімділігін, оны үйренуін жүйелі түрде қолға алып, күнделікті қолдау қажеттігін түсінетін уақыт та жетті.
Ендеше, ана тіліміздің асылын талғай, бөтенін де тани білейік. Сөздің де жүйесі бар. Жүйесін тапқан сөз әрқашан да әсем бола бермек.
«Мемлекеттк тіл рухани байлығымыздың қайнар бұлағы, тәуелсіздігіміздің тірегі». Қазақ елінде, қазақ жерінде, қазақ тілі-мемлекеттік тіл өркендеуі тиіс. Оған қазақ халқы ғана емес, Қазақстанда өмір сүріп жатқан барлық ұлт пен ұлыс өкілдері үлес қосып, оны меңгеруі қажет. Ол үшін ана тіліміздің қасиетін өзіміз біліп, оны қастерлеп, дәріптеп басқа ұлт өкілдеріне насихаттауымыз қажет деп білемін.
А.А.Уюмдасова
Орал қаласының мамандандырылған
тергеу соты әкімшісінің бас маманы
[xfvalue_img]
