Адамның жеке өміріне қатысты жеке құпиясы туралы мәліметтерді тарату
Орал қалалық сотымен ҚК 194-бабының 1-бөлігі (бопсалау), 147-бабының 5-бөлігімен (жеке өмірге қол сұғылмаушылықты бұзу) көзделген А.-ны қылмыстық құқық бұзушылықтар жасады деп айыптау бойынша қылмыстық іс қаралды.
Сот отырысында Б. мен сотталушы А. заңды некеде тұрғаны анықталды. Бірге өмір сүрген уақытта Б. «Whatsapp» мессенджері арқылы А.-ның өтініші бойынша оған интимдік сипаттағы фотосуретті өз еркімен жіберген.
Кейінірек араларындағы келіспеушіліктерді ескере отырып, Б. сотқа некені бұзу туралы арыз берген кезде, оған А. келіспей, Б-ны масқара ететін интимдік сипаттағы фотосуреттерін таратамын деп қорқытып, одан ақша талап ете бастаған.
А., Б.-ның жеке өмірі туралы жеке құпияны құрайтын мәліметтерді оның келісімінсіз тарату мақсатында, өзінің ұялы телефонынан Б.-ның әкесінің ұялы телефонына, сондай-ақ «Whatsapp» мессенджеріндегі жалпы топқа тарату мақсатында Б-дан бұрын алынған интимдік сипаттағы фотосуреттерді жіберген.
Сот істің материалдарын зерделеп, сотталушы А.-ның кінәсі толық көлемде анықталды деген қорытындыға келіп, оны ҚК-нің 194-бабының 1-бөлігі, 147-бабының 5-бөлігі бойынша кінәлі деп танылып, 3 жыл 2 айға бас бостандығынан айыру түріндегі жазаны қылмыстық-атқару жүйесінің қауіпсіздігі орташа жүйесінде өтеу тағайындады.
Үкім заңды күшіне енген жоқ.
Батыс Қазақстан облыстық сотының баспасөз қызметі
[xfvalue_img]
