Индустрия және бизнес

Қазақстан Президенті жастарға берген сұхбатында табысқа жету жаңа технологияларды игеруге және оларды өзіміз әзірлеуге байланысты екендігіне де тоқталған болатын. Елбасымызөз сөзінде: Неліктен біз индустрияландырумен айналысып жатырмыз? Бізде пайдалы қазбалар бар, бірақ оның бәрі күндердің күнінде таусылады.Мұнай мен газ есебінен өркендеген елдер бар, мысалы: Оман.Олардыңмұнайы таусылды, бірақ оған дейін қамданып, басқа индустрия құрып үлгерді. Пайдалы қазбалары аз болса да гүлдеген экономикасы бар Оңтүстік Корея, Швейцария, Сингапур секілді елдерді мысалға келтіруге болады.Бұл елдер білімнің есебінен дамуда. Біздің елдің жалпы ішкі өнімнің 53 пайызы қызмет көрсету саласына тиесілі. Болашақ ірі кәсіпорындарда емес, технологияларда,- деді Мемлекет басшысы.

          Бұған мысал келтірер болсақ ақпарат құралдарындағы деректер бойынша АҚШ-тық  Apple фирмасы басқа өнімдерін есептемегенде, бір ғана Айфон телефонын шамамен 500 АҚШ доллары табыс түсіретін көрінеді. Енді 250 миллионды 500-ге көбейтсеңіз алдыңызға өте қомақты сома шығады. Көп шикізатты талап етпейтін көлемі шағын ғана өніммен осыншама табыс түсіруде. Ал енді шикі заттардың көлемі мен бағасын салыстырар болсақ, мұнай 2015 жылы шамамен барлығы 50-60 АҚШ доллары, газдың 1000 куб метрі шамамен  куб метрі шамамен 300 АҚШ доллары, бидайдың тоннасы шамамен 200-300 АҚШ доллары. Айырмашылық жер мен көктей дерлік. Біздің де әлемде аты шыққан өндірушілерге бәсекелес бола алатындай тіпті озып шығатындай технологияларға жетуіміз керек. Ғылымда, технологияда ілгерілепотанымыздың экономикасының гүлденуіне ат салысуымыз қажет. Әрбір азаматымыз да техника, құрылыс заттары, азық-түлік секілді қажеттіліктерден сыртқы өнімдерді емес, отандық өнімдерді тұтынуының өзі де отандық кәсіпорындарға, өз елімізге қолдау болып  табылады.

          Жаңа мемлекеттік бағдарламаның  мақсаты – ішкі және сыртқы нарықтардағы өңдеу өнеркәсібінің  бәсекеге қабілеттілігін қамтамасыз ету.

        Бұл мақсатқа қол жеткізу үшін келесі міндеттер қойылды:

• Ішкі және сыртқы нарықтарда сұранысқа ие өңделген тауарлар номенклатурасын кеңейту және өндіріс көлемін арттыру.
• Базалық өндіріс дамытуды ынталандыру және стратегиялық жобаларады іске асыру арқылы өнеркәсіптік қуаттылықтарды ұлғайту.
• Өңдеу өнеркәсібінің салаларының технодогиялық дамуын және цифрландырылуын қамтамасыз ету.

ИИДМБ екі бесжылдығының тәжірибесін ескере отырып, елімізде индустрияландырудың одан әрі дамуына ықпал ететін жаңа тәсілдер әзірленгенін айта кеткен жөн.

      Бірінші кезекте, ішкі нарықты сапалы өніммен қанықтыруға және экспортқа шығуға бағдарланған өңдеу секторының  тиімді кәсіпорындарына баса назар аударылды. Сонымен қатар мемлекеттік қолдаудың бөлек – бөлек құралдарынан бизнестің қарсы міндеттемелері мен жауапкершілігінің есесіне дамуды кешенді ынталандыру жүйесіне көшу де маңызды болады. Бұдан басқа, салалық қағидаттан нақты басымдыққа ие тауарларды анықтауға көшуді, сондай-ақ құнын құруда ғаламдық тізбекті проактивті  құрастыруға назар аударуды ескеру қажет.

Ақмола гарнизоны Әскери сотының жетекші маманы А.Есен.