Тілді нығайтудың маңызды факторы.
Жаңақала аудандық сотында сот қызметкерлері арасында «Тілге құрмет » атты дәріс сабағы өткізілді.
Мемлекеттік тіл тақырыбында өткізілген дәріс сабағын кеңсе меңгерушісі А.Искакова « ҚР Тіл туралы Заңы қабылданған уақыттан бастап осы уақытқа дейін оларды оқып-үйрену мен дамыту үшiн жағдай мемлекет тарапынан жасалынуда. Сот органдарында Төрелік бағдарламасы да толықтай мемлекеттік тілге көшірілуде, сотта құжаттар айналымын 100 пайызға жеткізу мәселесі қолға алынуда. Біздің мекемеде қызметкерлер мемлекеттік тілді толықтай меңгерген. Тiл туралы заңдар ҚР азаматтарына, ҚР тұрақты тұратын шетелдiктерге және азаматтығы жоқ адамдарға қолданылады. Аудандық соттағы мамандардың барлығы қазақтар,жергілікті тұрғындар. Сол себепті мемлекеттік тіл туралы Заңының орындалуына ешқандай кедергі жоқ. Біздің аудан қазақы аудан болғандықтан халық тек қазақ тілінде сөйлеп, өз тілдерін құрметтеуде. Аудан көлемінде мемлекеттік тілге қатысты түрлі іс-шаралар іске асуда. Тіл- ынтымақтастықтың бастауы, ырыс-берекенің алды, ұлттың жаны деп санаймыз.
«Қазақстанның әр азаматы мемлекеттік тілді білуі парыз,ол халықты нығайтудың маңызды факторы. Тілдің осы артықшылығын ел игілігіне пайдалануымыз керек. Кеңсе меңгерушісі А.Искакова келтірілген статистикалық мәліметтерге сай, яғни 2021 жылдың 1-ші тоқсанында сот өндірісіне жалпы 450 кіріс құжат келіп түскен ,оның 426-ы яғни, 94,67 пайызы мемлекеттік тілде. Шығыс құжаттар саны 387 болса,оның 387-і де 100 пайызға мемлкеттік тілде шығарылған. Көрсетілген мерзімде 96 сот ісі қаралған,оның 86-ы мемлекеттік тілде қаралған. Жиын барысында айтылған мәселелер мен қабылданған ұсыныстар алдағы уақыттада жалғасын табатынына сенімдіміз.
Н.Жакупова
Жаңақала аудандық сотының жетекші маманы
[xfvalue_img]
