Қазақстан Республикасының Әскери сотында «Ашық есік күні» өтті
Қазақстан Республликасының Әскери сотында судья Р.К.Хасеновтың, ҚР Бас Әскери прокуратурасының, ҚР ҰҚК Шекара қызметінің, ҚР ҚМ-нің, ҚР Ұлттық Ұланыны, ҚР Қорғаныс министрлігі өкілдерінің қатысуларымен «Ашық есік күні» іс- шарасы өткізілді.
Семинардың мақсаты әскери құрылымдардағы қылмыстың алдын алу болып табылады.
Іс – шара барысында, судья Р.К.Хасенов, Қылмыстық кодекстің 451-бабына сәйкес, билiктi немесе қызметтiк өкiлеттiктердi асыра пайдалану, яғни бастықтың немесе лауазымды адамның өзiнiң құқықтары мен өкiлеттiктерiнің шегiнен анық шығатын, азаматтардың немесе ұйымдардың құқықтары мен заңды мүдделерiн не қоғамның немесе мемлекеттiң заңмен қорғалатын мүдделерiн елеулi түрде бұзуға әкеп соққан әрекеттер жасауы. Мұндай әрекет, бес мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не бес жылға дейiнгi мерзiмге бас бостандығын шектеуге не сол мерзімге бас бостандығынан айыруға жазаланатынын атап өтті.
Сондай-ақ, әскери соттардың сот практикасында, сотталушылардың көпшілігі әскери қолбасшылығын немесе әскери дәрежесін бағынышты сарбазға немесе әскери атағы бойынша кішіге күш қолдану байланысты қылмыстар үшін сотталғандығы атап өтілді. Бұл жағдайларда, егер әскери дәрежесін қолданып денсаулыққа жеңіл немесе орташа ауырлықтағы зиян келтірілгенде, Қылмыстық кодекстің 451-бабының бірінші бөлігінде көзделген қылмыстық құқық бұзушылықты жасаған кезде, адамға қарсы қылмыстар туралы баптар бойынша қосымша саралау қажет еместігі назарға алынды.
Кездесу соңында судья Р.К.Хасенов пікір алмасып, қатысушы тұлғаның сұрақтарына жауап берді.
ҚР Әскери сотының баспасөз қызметі
[xfvalue_img]
