NUR OTAN: АУДАН ТҰРҒЫНДАРЫНЫҢ ӘЛ-АУҚАТЫН АРТТЫРАМЫЗ

Үгіт-насихат жұмыстары жалғасуда. Маңғыстау облыстық штаб мүшелері «Бейнеу» желілік өндірістік диспетчерлік станциясының ұжымымен кездесті.

Маңғыстау облыстық штабының төрағасы Елубай Әбілов іс-шараны аша отырып, станция қызметкерлерін партияның "Өзгерістер жолы: Әр азаматқа лайықты өмір" сайлауалды бағдарламасымен таныстырып, өңірді және Бейнеу ауданын дамыту бағдарламасының басты басым бағыттарына егжей-тегжейлі тоқталды.

Елубай Жақайұлы «Nur Otan» партиясы - әрбір жеке азаматтың әл-ауқатының өсуіне ықпал ететін экономика құру міндетін қойып отырғанын атап өтті. "Экономиканың тұрақты дамуы үшін жұмыс істеп тұрған кәсіпорындарды нығайтып, жаңа жобалар құрып, қызметкерлердің қысқаруының алдын алу бойынша шаралар қабылдау қажет", - деп атап өтті ол.

Қолданыстағы жұмыс орындарын сақтау және жаңа жұмыс орындарын құру арқылы халықты жұмыспен қамту артатыны атап өтілді. Көлік пен коммуналдық қызметтердің жұмысы жақсарады, ел бойынша 53 тазарту құрылысы салынады және жаңғыртылады. Бейнеу ауданының тұрғын үй қоры мен ТКШ инфрақұрылымы жақсарып келеді. "Мәселен 2025 жылға дейін "Жаңаөзен-Құрық-Ақтау" магистральдық газ құбырының төртінші нүктесінің құрылысы жоспарланды", - деді Елубай Әбілов.

«Бейнеу» желілік өндірістік диспетчерлік станциясы қызметкерлерінің алдында сөз сөйлеген облыстық штаб мүшелері Гүлшат Серікова, Бекмұрат Жүсіпов, Губашев Нәжмеден және Берік Ахметов ауыл тұрғындарының өмір сүру жағдайлары жақсарып келе жатқанын атап өтті.

Жастарға ерекше көңіл бөлінеді. Бейнеу ауданында 19 мыңға жуық жастар тұрады, бұл халықтың жалпы санының 26,9% - ын құрайды. Ауданда жастарды дамыту , жұмыспен қамту, жұмысқа орналастыру және білім беру, өзін-өзі дамыту үшін барлық қажетті жағдайлар жасалатын болады. 2025 жылға дейін мұнда "Дипломмен ауылға"бағдарламасы аясында 150 маман келеді. Сондай-ақ, жас отбасылардың тұрғын үй мәселелерін шешуге баса назар аударылады.

Партияның Бейнеу ауданы бойынша бағдарламасында спорт зал мен спорт алаңдардың құрылысы да бар, бес жыл ішінде ауданның 64 мың спортшысының қатысуымен 555 спорттық іс-шара ұйымдастыру жоспарланған.

Кездесуді қорытындылай келе, Елубай Әбілов қатысушыларды келе жатқан Жаңа жылмен құттықтап, оларға және олардың отбасыларына денсаулық, бақыт және амандық тіледі. "Қиындықты еңсеріп, жеңіске бірге жетеміз!"- деді ол.

«Nur Otan» партиясының Маңғыстау облысы

сайлау қорының қаражатынан төленді