СҚО-да полицейлер интернет-алаяқтықтың алдын алудың жаңа форматын ұсынды
Қаңтар айында Солтүстік Қазақстан облысында 33 адам интернет-алаяқтардың құрбаны болды. Тәжірибе көрсеткендей, олардың басым бөлігі бұған дейін ескертулерді көріп, алаяқтық тәсілдері туралы білген. Полицейлер тұрғындарға қауіпсіздік ережелерін жеткізу үшін профилактиканың түрлі форматтарын қолдануда.
Облыстық полиция департаментінің баспасөз қызметінің қызметкерлері өлең жазып, жасанды интеллект көмегімен бейне генерациялау трендін пайдаланып, есте қаларлық әуені бар серпінді әнге анимациялық бейнеролик әзірледі.
Астарлы әзіл мен әсерлі бейнеряд облыс тұрғындарына келесі қауіпсіздік қағидаларын есте сақтауға көмектеседі деп күтілуде: SMS арқылы келген кодтарды ешкімге хабарламау; күмәнді сілтемелерге өтпеу; «құқық қорғау органдарынан», «банктен» жасалған «шұғыл» қоңырауларға сенбеу; біреудің үгітімен қаржылық операциялар жасамау.
Бейнеролик YouTube платформасында қолжетімді, сондай-ақ оның үзінділері СҚО ПД-ның әлеуметтік желілердегі аккаунттарында жарияланған.
Кибералаяқтардың құрбаны кез келген адам болуы мүмкін. Қаңтар айында жәбірленушілердің ішінде зейнеткерлер (7 адам) мен әйелдер (20 жағдай) басым. Тәртіп сақшылары жақындарыңызды алаяқтардың айла-тәсілдерінен сақтайтын ақпаратпен бөлісуге шақырады.
Игорь Мерцалов
СҚО ПД баспасөз қызметі
[xfvalue_img]
