VK Tech Қазақстанда ИИ мен жоғары жүктемелерге арналған Kubernetes-платформаны жаңартты

VK Tech келесі буын AI-қосымшаларын орналастыруға арналған VK Cloud-тың Kubernetes-платформасы — Cloud Containers-тің жаңа буынын ұсынды. Платформа LLM-сервистерді масштабтауды қоса алғанда, экстремалды жүктемелер кезінде AI-инфрақұрылымның үздіксіз жұмысын қамтамасыз етеді. Cloud Containers өнімділік пен қолжетімділікті жоғалтпай, ондаған мың пайдаланушы мен миллиондаған транзакциямен жұмыс істейтін IT-жүйелерді құруға мүмкіндік береді.

Сервистің жаңа мүмкіндіктері операциялық шығындарды қысқартуға, AI-өнімдерді нарыққа шығару мерзімін жеделдетуге және жоғары жүктемелі жобалардың үздіксіз жұмысын қамтамасыз етуге көмектеседі. Шешім жоғары өнімділікке ие және бір мезетте 55 000 микросервисті өңдей алады.

Негізгі жаңартулар әзірлеуді жеделдетуге және экстремалды жүктемелерге төтеп беретін жүйелерді құруға мүмкіндік береді. Cloud Containers платформасында Kubernetes кластерінің өзін-өзі қалпына келтіру үдерісі автоматтандырылды, «Енгізілген Kubernetes» технологиясы енгізілді (бір Kubernetes кластері екіншісінің ішінде іске қосылады), сондай-ақ кластермен параллель операциялар жүргізу мүмкіндігі пайда болды. Бұл ірі жобалары бар және әзірлеу циклі қарқынды ұйымдар үшін аса өзекті.

Кластер компоненттерінің автоматты түрде өзін-өзі қалпына келтіру функциясы DevOps-инженерлерінің араласуынсыз жүйені жұмыс күйіне қайтарады. Бұл қосымшалардың тоқтап қалу қаупін азайтып, командалардың ресурстарын күнделікті мониторингтен стратегиялық міндеттерге қайта бөлуге мүмкіндік береді. Параллель операциялар технологиясы «тоқтап қалу терезелерін» жоя отырып, әзірлеушілерге жаңа функциялар мен өнімдердің time-to-market мерзімін қысқартуға жағдай жасайды. Бұл кластерді бір уақытта баптау, масштабтау және жаңарту арқылы жүзеге асады.

«Cloud Containers Қазақстандағы клиенттерімізге AI-пен жұмыс істеудің толық циклін қамтуға көмектеседі: модельдерді оқытудан бастап оларды іске қосуға дейін. Cloud Containers-тің жаңартылуы сервистің сенімділігін едәуір арттырады — жүйе тұрақтылықты өзі бақылайды. Біздің Sprut бағдарламалық түрде анықталатын SDN-желіміз жекелеген деректер орталығындағы ақаулардан автоматты түрде қорғай отырып, қосымшалардың үздіксіз жұмысын қамтамасыз етеді. Нәтижесінде компаниялар enterprise деңгейіндегі істен шығуға төзімділік пен қауіпсіздікке ие болады», — деп пікір білдірді VK Cloud-тың Қазақстандағы техникалық директоры Болат Қажкенов.

VK Cloud — Қазақстандағы бизнесті цифрландыруға арналған платформа. VK Cloud — ашық кодқа негізделген интернет-сервистер мен технологияларды дамытудағы көпжылдық тәжірибесі бар VK Tech шешімдер портфелінің бір бөлігі. VK Cloud өнімдері қатарында инфрақұрылымдық және платформалық бұлтты сервистер, сондай-ақ Dev Platform сияқты кешенді шешімдер бар. Олар Public Cloud форматында, Private Cloud инсталляциясы аясында және бағдарламалық өнім ретінде қолжетімді. Компанияның клиенттері қатарында: Kassa24, Voximplant, Daribar.kz, Битрикс 24 және өз салаларының басқа да ірі ойыншылары бар.

VK Tech — бизнестің күнделікті міндеттерін шешуге арналған корпоративтік бағдарламалық қамтамасыз ету әзірлеушісі. VK Tech портфелі — бұл бұлтты платформаны, деректер сервистерін, өнімділік сервистерін және бизнес-қосымшаларды қамтитын дайын бағдарламалық экожүйе. VK Tech өнімдері лицензия (On-Premise) және жазылым (On-Cloud) форматында ұсынылады, бұл оларды кез келген ауқымдағы компаниялар үшін қолжетімді етеді.