UMC ЖҮРЕК ОРТАЛЫҒЫНДА АШЫҚ ЖҮРЕК ОПЕРАЦИЯСЫ КЕЗІНДЕ АРИТМИЯНЫ ЖОЮ ӘДІСІ ЕНГІЗІЛДІ
2025 жылдың 29 сәуірінде UMC Жүрек Орталығының мамандары шақырылған проктормен бірлесіп, ашық жүрек операциялары кезінде аритмияны криоабляциялау әдісін енгізді. Шеберлік сабақ аясында Қазақстанның әртүрлі аймақтарынан келген мамандар қатысып, үш операция жүргізілді. Тәжірибелік бөліммен қатар, шеберлік сабақ аясында өзекті мәселелер бойынша дәрістер және симуляторларда оқу сессиялары өткізілді.
Осындай кешенді хирургиялық араласулар пациенттердің ауыр жүрек-қан тамырлары патологиялары диагностикаланған жағдайларда және бір уақытта бірнеше процедураларды орындауға қажет кезде қолданылады. Атап айтқанда, негізгі операция жүрек ақауын жоюға немесе қан айналымын қалпына келтіруге бағытталған кезде, аритмияны түзету үшін аз инвазивтік әдіс қосымша қажет болуы мүмкін.
Криоабляция әдісі жүрек тінінің жасушаларына суық әсер етуге негізделген. Бұл әдіс, әсіресе, қақпақшаны ауыстыру операциясы кезінде жүрек ырғағының қосымша бұзылуы қаупі тұрған жағдайларда тиімді. Артерия арқылы енгізілетін арнайы катетердің көмегімен жүрек тінінің проблемалы аймақтары мұздатылады. Бұл зақымдалған жасушаларды жүрек өткізгіш жүйесінен таңдап алып, аритмия ошақтарын жояды.
«Халықаралық клиникалық ұсынымдарға сәйкес, радиожиіліктік және суық әсерді біріктіру аритмияны емдеуде барынша жігерлендіретін нәтижелер береді», – деп атап өтті UMC Жүрік Орталығының кардиохирургия бөлімінің меңгерушісі, кардиохирург Мурадым Мурзагалиев. – «Болашақта осындай операциялар тәжірибесін кеңейту және Орталықты аймақтардың медициналық мекемелері үшін осы технологияны трансфертік алаңы ретінде дамыту жоспарлануда».
Ашық жүрек операцияларында криоабляцияны қолдану жүрекшелердің тұрақты фибрилляциясын емдеуде жаңа мүмкіндіктер ашады. Бұл инсульт қауіпін және жүрек жетіспеушілігінің дамуын азайтып, пациенттердің өмір сапасы мен ұзақтығын айтарлықтай жақсартады.
University Medical Center баспасөз қызметі
[xfvalue_img]
