ҚР СІМ-де қазақ-өзбек консультациялары өтті
Қазақстан Республикасы Сыртқы істер министрлігінде Қазақстан Республикасы Сыртқы істер министрінің орынбасары Ермұхамбет Қоныспаев пен Өзбекстан Республикасы Сыртқы істер министрінің орынбасары Бобур Усмановтың қатысуымен Қазақстан-Өзбекстан саяси консультациялары өтті.
Кездесу барысында саяси, сауда-экономикалық, су-энергетикалық және мәдени-гуманитарлық салалардағы қазақ-өзбек ынтымақтастығының өзекті мәселелерінің кең ауқымды мәселелері талқыланды.
Тараптар екіжақты қарым-қатынастардың үдемелі дамуын, тұрақты сенімді саяси диалогын, сондай-ақ өнеркәсіптік кооперация саласындағы ынтымақтастықтың жандануын қанағаттанушылықпен атап өтті.
Алдағы биік және жоғары деңгейдегі кездесулердің кестесі жан-жақты қарастырылды. Аталған тұрғыда Өзбекстан Республикасының Президенті Шавкат Мирзиёевтің Қазақстан Республикасына мемлекеттік сапарын жоғары деңгейде өткізу мәселелеріне ерекше назар аударылды.
[xfvalue_img]
