ҚР СІМ басшысы Минскіде ТМД Сыртқы істер министрлері кеңесінің отырысына қатысты
Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу бастаған қазақстандық делегация Тәуелсіз Мемлекеттер Достастығы Сыртқы істер министрлері кеңесінің кезекті отырысына және «Орталық Азия – Ресей» форматындағы сыртқы саяси ведомстволар басшыларының жетінші кездесуіне қатысты.
ТМД СІМК отырысында министрлер өңірлік және халықаралық күн тәртібіндегі өзекті мәселелер бойынша ұстанымдарды теңестіріп, Достастық алаңындағы өзара іс-қимыл перспективалары туралы пікір алмасты.
Сыртқы саяси ведомстволар арасындағы серіктестікті жандандыру туралы іс-қимыл бағдарламасының орындалу барысы талқыланды және Достастық елдеріне жіберілетін делегациялардың құқықтық мәртебесі туралы конвенция мақұлданды.
Министрлер бірқатар бірлескен мәлімдемелерді, оның ішінде БҰҰ Бас Ассамблеясы жанында ТМД-ға бақылаушы мәртебесін берудің 30 жылдығына орай мәлімдеме қабылдады.
Минскідегі отырыстың қорытындысы бойынша Алматы қаласын 2026 жылы ТМД Спорт астанасы деп жариялау туралы шешімге қол қойылды.
Сол күні «Орталық Азия – Ресей» форматындағы сыртқы істер министрлерінің жетінші кездесуі өтіп, оның барысында өңірлік қауіпсіздік пен терроризмге қарсы күресті қамтамасыз ету бойынша күш-жігерді жандандырудың, сондай-ақ экономика, сауда, жасыл энергетика және экология, көлік, логистика, ғылым, білім және мәдениет салаларындағы өзара тиімді ынтымақтастықтың маңыздылығы аталып өтті.
Делегация басшылары күш-жігерді көпжақты өзара іс-қимылдың стратегиялық маңызды бағыттарына шоғырландыруға және өңіраралық ынтымақтастықты кеңейтуге дайын екенін білдірді.
Кездесу қорытындысы бойынша сыртқы саяси ведомстволарының басшылары осы форматтағы жұмысты тұрақты негізде белсенді түрде жалғастыруға келісті.
Сондай-ақ, ТМД СІМК аясында Қазақстан мен Тәжікстан Сыртқы істер министрлері М.Нұртілеу мен Сироджиддин Мухриддиннің екіжақты кездесуі өтті. Сұхбат барысында тараптар екіжақты ынтымақтастықтың өзекті мәселелерін талқылап, өңірдегі ағымдағы ахуал бойынша пікір алмасты.
[xfvalue_img]
5 пікір