Әділет министрлігі мен Дүниежүзілік банк Халықаралық инвестициялық арбитраж бойынша вебинар өткізді

21 желтоқсанда Қазақстан Республикасы Әділет министрлігі және Дүниежүзілік банк Халықаралық инвестициялық төрелік тақырыбын өңірлік тұрғыдан талқылау үшін халықаралық қатысумен вебинар өткізді.

Іс-шараға Халықаралық баяндамашылар тобы қатысты, оның ішінде Албанияның Бас Прокуроры Брунилда Лило, Қазақстанның Әділет вице-министрі Ақерке Ахметова, Өзбекстан Әділет министрлігінің Төрелік департаментінің директоры Бахром Рахимов, Инвестицияларды көтермелеу жөніндегі Нигерия комиссиясының консультанты проф. Пол Обо Идорниги. Баяндамашылар өз елдеріндегі инвесторлар мен мемлекет арасындағы даулардың реалияларын талқылады. Пікірталастың модераторы Herbert Smith Freehills заң фирмасынан д-р Патрисия Насимиенто болды.

Негізгі баяндамалармен белгілі профессорлар мен заңгерлер көпжақты инвестициялық соттың бастамалары, Энергетикалық Хартия шартын реформалау, ISDS жүйесі және институционалдық инвестициялық төреліктегі заманауи үрдістер сияқты жекелеген қызықтыратын тақырыптарға назар аудара отырып сөз сөйледі.

Іс-шараның модераторы, Дүниежүзілік Банк өкілі Валид Хайдер Малик инвестициялық климатты реформалау саласындағы күн тәртібін жетілдірудің өзектілігін атап өтті.

Қазақстанның Әділет министрі Марат Бекетаев жосықсыз инвестицияларды жою арқылы инвестициялық ортаны қорғаудың маңыздылығын атап өтті. Министр жақында Бельгия апелляциялық сотымен алаяқтық ретінде расталған Қазақстанға қарсы Анатолий Стати және т.б. ісі бойынша төрелік шешім нысанындағы жосықсыз инвестициялардың салдарымен күрестегі Қазақстанның өз тәжірибесіне сілтеме жасады (https://www.gov.kz/memleket/entities/adilet/press/news/details/286262?lang=kk).

Талқылау барысында Энергетикалық Хартия секретариатының Бас хатшысы д-р Урбан Руснак Энергетикалық Хартия шарты бойынша ағымдағы келіссөздер туралы жаңартылған ақпаратты ұсынып, келесі төрт раунд 2022 жылдың бірінші жартысында өтетінін атап өтті. Д-р Руснак жаңғырту үдерісіне қатысатын барлық елдердің түрлі жағдайларын есепке алудың және энергетикалық қауіпсіздік мәселелері, энергетикаға көшу жоспарлары және климаттың өзгеруі жөніндегі міндеттемелер сияқты олардың түрлі проблемаларын есепке алудың маңыздылығын атап өтті.

Август Райниш пен Марк Бунденберг профессорлары аудиториядан көптеген пікірталастар мен сұрақтар тудырған Көпжақты инвестициялық сот құру жобасын ұсынды. Бұл тақырыпты Curtis, Mallet-Prevost, Colt & Mosle LLP заң фирмасынан болған Джордж Кахале III мырза ISDS механизмінің қазіргі жағдайы туралы өзінің презентациясында көтерді.

Соңында, ИДРХО Бас хатшысының орынбасары Мартина Поласек институционалдық инвестициялық төреліктің қазіргі тенденциялары туралы айтты.

Іс-шараны Орталық Азия, Шығыс Еуропа және Африка елдерінің заң үстемдігін сақтауға және халықаралық инвесторлардың мүдделерін қорғауға қалай жақындағаны туралы көбірек білу мүмкіндігін бағалаған аудитория жақсы қабылдады. Қатысушылар 30-дан астам түрлі елдерден қатысты, олардың арасында заңгерлер, саясаткерлер, іскер топтардың өкілдері және студенттер болды.