Нұр-Сұлтан қаласының «Жас сарбаздары» «ЭКО ҚАЗАҚСТАН» акциясын алғашқылардың бірі болып бастады.
Нұр-Сұлтан қаласында қыс келіп, қар түсуіне байланысты, «ЭКО ҚАЗАҚСТАН» акциясы аясында, «Жас сарбаз» жасөспірімдер әскери-патриоттық қозғалысы Республикалық қоғамдық бірлестігі Нұр-Сұлтан қалалық филиалы, ҚР ҚК Ұлттық әскери-патриоттық орталығының қолдауымен,
19-20 қараша күндері, Елордамыздағы ардагерлерге, мүмкіндігі шектеулі жандарға және жалғыз басты қарттарымызға ауласын қардан тазалап, отын жарып, көмек көрсетті.
«Елордамызда еріктілердің көмегіне мұқтаж жандар көп. Әсіресе қыстың қахарына мінген сәтінде, жер үйде тұратын ардагерлеріміз, жалғызбасты аналар, апаларымыз ауласын қардан тазалай алмай отырады. Осыған орай биылғы жылы, жалпы Республикалық «ЭКО ҚАЗАҚСТАН» акциясын «Жас сарбаз» ұйымының Нұр-Сұлтан қалалық филиалы бірінші болып бастап, бір күн ішінде 4 мекен-жайға барып ауласын тазалап, қыстық отын жарып көмектесіп қайттық. Акция аясында көмекке мұқтаж барша Нұр-Сұлтан қаласының тұрғындарына қол ұшын созатын боламыз. Біздің қатарымызға қосылып, игі іс жасаймын дейтін жандарға есігіміз ашық. Қыстың қахары басталған сәтте, жұдырықтай жұмылып, көмекке мұқтаж жандарға қол ұшын берейік» - «Жас сарбаз» жасөспірімдер әскери-патриоттық қозғалысы Республикалық қоғамдық бірлестігі Нұр-Сұлтан қалалық филиалының төрағасы Налшыбек Асхат Бағдатұлы.
[xfvalue_img]
33 пікір