910.00 салық есептілігі нысанын ұсынуға қатысты
Құрметті салық төлеушілер!
ҚР ҚМ Мемлекеттік кірістер комитеті, 2020 жылғы
1 жартыжылдығына «Шағын бизнес субъектілері үшін оңайлатылған декларация» 910.00 салық есептілігі нысанын ұсынуға қатысты келіп түскен сұрақтарға байланысты, келесіні хабарлайды.
Салық есептілігі нысандарын өзектендіру жөніндегі жұмыстар уақтылы басталды, алайда Қазақстан Республикасында енгізілген ТЖ режиміне байланысты, Комитетпен ТЖ шеңберінде шағын және орта бизнесті қолдауға бағытталған жұмыстар басым деп танылды.
Атап айтқанда, ТЖ және карантин режимі кезеңінде 2019 жылға және 2020 жылдың бірінші тоқсанына (оның ішінде ай сайынғы есептілік) салық есептілігін ұсыну мерзімін және салықтарды және басқа да төлемдерді төлеу мерзімін ауыстыру бойынша Комитеттің ақпараттық жүйелерін жетілдіру жұмыстары жүргізілді.
Бұдан басқа, мерзімінде орындалмаған салық міндеттемесін қамтамасыз ету тәсілдерін қолдануды тоқтата тұруға байланысты, ауқымды жұмыстар жүргізілді.
Бұл ретте, Комитетпен 20.01.2020 жылғы №39 бұйрығына сәйкес салық есептілігі нысандарын өзектендіру бойынша жұмыс жалғастырылды.
СЕН 910.00 тестілеу барысында жеке тұлғалардың кірістері бойынша жаңа қосымшаны енгізуге байланысты талаптарды пысықтау қажеттілігі туындады.
Қазіргі уақытта пысықталған 910.00-нысаны қайта тестілеуден өткізілді және Салық төлеушінің кабинетінде орналастырылды.
2020 жылғы 1 және 2 шілдесінде СЕН 910.00 2020 жылғы бірінші жартыжылдығына барлығы 5 салық төлеуші табыс етілгенін атап өту қажет, алайда, салық органының коды дұрыс көрсетілмеуіне байланысты, жеке шоттар бойынша есептеулер жүргізілмеген. 5 салық төлеушінің әрқайсысына қатені түзету бойынша дербес кеңес беріледі.
Мемлекеттік кірістер комитеті түсіністікпен қарауды және келтірілген уақытша қолайсыздықтар үшін кешірім сұрайды.
[xfvalue_img]
