«Қостанайда дәрігерлер кәсіпкердің төрт түлігіне белгі қою мерзімін әдейі ұзартып отырған»
Қостанай облысы бойынша Сыбайлас жемқорлыққа қарсы қызметке, үй жануарларына белгі қою мерзімін әдейі ұзартып отырған аудандық ветеринарлық дәрігерлерге қатысты жергілікті шаруа қожалығының директоры шағымданды.
«Ауыл шаруашылығы жануарларын сәйкестендіру» мемлекеттік жүйесіне мұндай жануарларды туғаннан бастап алғашқы 3 айда ғана тіркеуге болады. Алайда дәрігерлер аталған төрт түлікті 3 айда емес, кешіктіріп 7-9 айлық жаныуарларды 3 айлық деп тіркеген. Бұл өз кезегінде тасымалдау, сою, вакцинация жасау кезінде қиындықтар туғызған. Өтініш берген сәтте, бұл шаруа қожалығында 25 жануарға белгі уақытылы салынбағандығы анықталған.
Департамент жергілікті палатамен және ветеринария басқармасымен бірлесіп кездесу өткізді, оның қорытындысы бойынша аталған мәселе шешіліп, жас үй жануарларына уақытылы белгі салу ұйымдастырылды.
ҚР СЖҚІА Қостанай облысы бойынша Департаменті
[xfvalue_img]
