Ақтауда жаңа шағынаудандарды электр энергиясымен қамтитын жоба іске асырылуда
Ақтау қаласындағы жаңа шағынаудандарды электр энергиясымен қамту үшін жаңа жоба іске асырылуда, деп хабарлайды Қоғамдық коммуникация орталығы қала әкімдігінің баспасөз қызметіне сілтеме жасап.
Жобаға сәйкес, жыл соңына қарай кабельдік желі мен «ХАБ-1» және «ХАБ-2» қосалқы станцияларын пайдалануға беру жоспарланған. Қосалқы станция ғимараттарының жалпы ауданы-1514,5 шаршы метр.
-«Каспий энергетикалық хабы» сыртқы инфрақұрылымын салу жобасы аясында кернеулігі 110 кв электр беретін желі және 2 қосалқы станция(110/10 кв қосалқы станция) салынуда. Кабель желісінің жалпы ұзындығы-4760 метрді құрайтын болады, - дейді Ақтау қалалық құрылыс бөлімінің мамандары.
«ХАБ-1» және «ХАБ-2» қосалқы станциясы он үш жаңа шағынауданды, атап айтқанда 18, 18а, 19, 20, 20а, 19а, 36-42 шағынауданын электр энергиясымен қамтамасыз етпек. Сонымен қатар, электр желілерін жобалау барысында қуаттылығын арттыру мақсатында болашақта басқа қосалқы станцияларды қосу қарастырылған.
Айта кетейік, келесі жылы «ХАБ-1» қосалқы желісінен жаңа шағынаудандарды электр энергиясымен қамтамасыз ететін кабель желілері қосылады.
[xfvalue_img]
