Маңғыстаулықтарға сот орындаушыларының шоттарды бұғаттауы және шығындарынан қалай құтылуға болады?

Маңғыстау облысы бойынша Мемлекеттік кірістер департаменті жеке сот орындаушыларына алымды төлеу есебінен борыштың ұлғаюын болдырмау үшін және берешекті мәжбүрлеп өндіріп алуға байланысты қолайсыздыққа тап болмас үшін азаматтарға салық қарыздарын төлеуге кеңес берді.

2021 жылғы 11 айдың қорытындысы бойынша жеке тұлғалардың меншіктегі жылжымайтын мүлік бойынша салық берешегінің сомасы 121 млрд. теңгені құрады, оның ішінде:

- мүлік салығы бойынша – 99 млн. теңге (43 мың борышкер);

- жер салығы бойынша – 22 млн. теңге (21 мың борышкер).

Борышкерлердің саны ең көп қалалардың көшін бастап тұрғандар: Ақтау қаласы –104 млн. теңге жалпы берешегі бар 31 мың жеке тұлға, Жаңаөзен қаласы – 8,3 млн. теңге жалпы берешегі бар 12 мың жеке тұлға және Мұнайлы ауданы – 5,3 млн. теңге жалпы берешегі бар 14 мың жеке тұлға.

2020 жылға мүлік салығын төлеу мерзімі 2021 жылдың 1 қазанында аяқталды, содан кейін салық органдары борышкерлерге салық берешегі туралы хабарлама жіберген болатын.

Салық берешегі туралы хабарлама табыс етілген күннен бастап отыз жұмыс күні өткен соң 1 еселенген айлық есептік көрсеткіш (2917 теңге) мөлшерінде салық берешегі төленбеген жағдайда, салық органы салық бұйрығын шығарады.

Ағымдағы жылдың 18 қарашасынан бастап мүлік салығы мен жер салығы бойынша салық берешегін өтемеген жеке тұлғаларға берешек сомаларын мәжбүрлеп өндіріп алу туралы тиісті салық бұйрықтары жіберілді. Салық бұйрығы табыс етілген күннен бастап 5 жұмыс күні ішінде берешек өтелмеген жағдайда, тиісті салық бұйрығы жеке сот орындаушыларына мәжбүрлеп өндіріп алуға жіберіледі.

Сонымен бірге, шоттарды бұғаттаудан туындаған қолайсыздықтар туралы айтпағанда, жеке сот орындаушылары берешек сомасынан басқа қосымша жеке тұлғалардан салық берешегі сомасының 25%-на дейін өндіріп алатынын ескерген жөн.

Осыған байланысты, жеке сот орындаушыларына алымды төлеу және берешекті мәжбүрлеп өндіріп алуға байланысты қолайсыздықтарды төлеу есебінен борыштың ұлғаюын болдырмау үшін азаматтарға салықөқа қарыздарын төлеуді және алдағы уақытта да мемлекет алдындағы өздерінің салық міндеттемелерін уақытылы орындауға кеңес береміз.

Салықтық берешегінің бар-жоғын e-Salyq Azamat мобильді қосымшасы (AppStore, PlayMarket) арқылы тексеруге болады.

e-Salyq Azamat→Электронды сервистер→Салық және әлеуметтік төлемдер бойынша берешек туралы қызметі→ЖСН-ды енгізу.