ПЕТРОПАВЛДА TEDх ФОРМАТЫНДА КЕЗДЕСУ ӨТТІ
И. Шухов атындағы қалалық кітапханада «ЖАСТАР ЖӘНЕ УАҚЫТ» зияткерлік клубының ашылу салтанатында «Қызылжар – адалдық алаңы» жобалық кеңсесі TEDx форматында жастармен кездесу ұйымдастырды.
Кездесуге СҚО әкімдігі ішкі саясат басқармасының Жастар саясаты мәселелері жөніндегі бөлімінің басшысы Гүлдана Рысбаева; «Қызылжар – адалдық алаңы» жобалық кеңсесінің басшысы Сәлімхан Сәбитов; Петропавл қаласы Жастар ресурстық орталығының басшысы Әлфараби Мыңбай; «Modern Qazaqstan» қоғамдық бірлестігінің жетекшісі Дархан Теміртас; Қазақстан Республикасы Ұлттық ұлан әскери институтының курсанттары, Төтенше жағдайлар департаментінің қызметкерлері, Петропавл қаласы колледждерінің студенттері мен Солтүстік Қазақстан облысы жұртшылығының белсенді өкілдері қатысты.
Петропавл қаласының Жастар ресурстық орталығының жетекшісі Әлфараби Мыңбай адал еңбегімен мүлде басқа өңірде табысқа қалай жетуге болатыны туралы айтып берді.
«Қызылжар – адалдық алаңы» жобалық кеңсесінің жетекшісі, Солтүстік Қазақстан облысы әкімінің сыбайлас жемқорлыққа қарсы іс-қимыл жөніндегі штаттан тыс кеңесшісі Сәлімхан Сәбитов өз кезегінде жастар арасында сыбайлас жемқорлыққа қарсы мәдениетті ілгерілету бойынша өз ойларымен бөлісті.
Іс-шара соңында қатысушылар осындай іс-шараларды ай сайын өткізуді ұсынды.
[xfvalue_img]
5 пікір