«Бала - басты жолаушы» атты мастер-класс өткізіледі

Жол қозғалысы қауіпсіздігі апталығы аясында ШҚО ІІД Әкімшілік полиция басқармасы ағымдағы жылдың 16 қарашасында сағат 11-де балаларды ұстау құрылғысын пайдалану бойынша мастер-класс өткізеді. Барлық ниет білдірген жүргізушілер үшін жол және техникалық инспекциясы бөлімінің мамандары автобесік, бустер, балалар креслосын, сондай-ақ адапторларды автомобильдің орындығына дұрыс орнатуды көрсетеді. «Қазақстанның қызыл ай» қоғамдық бірлестіктің қызметкерлері апат нәтижесінде балалардың жарақаттануы бойынша ақпарат береді.

Мәлімет үшін: 2017 жылдың 10 айында облыста балалар-жолаушылардың қатысуымен 94 ЖКО тіркелді, онда 2 бала қаза тапты, 115 - әртүрлі дәрежедегі жарақат алды. Көлік құралдарының 59 қақтығысу және 17 аударылу салдарынан 3 бала қаза тапты және 94 бала-жолаушы жарақат алған.  6 - кедергіге соғылу ЖКО-да 6 кәмелеттік жасқа толмағандар жарақаттанған.

Егер 10 жыл бұрын балалар өз кінәларынан ЖКО-ның құрбаны болса, қазіргі уақытта қайғылы жағдайлардың себебі – үлкендердің жауапкершіліксіздігі, өз-өздеріне сенімділік болып табылады. Апаттылықтың талдауы көрсетті, балалардың қатысуымен болған ЖКО-ның 96% жүргізушілердің кінәсінан орын алған.

Ағымдағы жылдың басынан Жол қозғалысы ережелерінің 22 «Жолаушыларды тасымалдау» бөліміне жаңа талап енгізілді:

• көлік құралы конструкциясымен қарастырылған баланы қауіпсіз белдігі көмегімен бекітетін құралсыз немесе арнайы ұстау құрылғысыз, ал механикалық көлік құралының алдыңғы орындығында арнайы балаларды ұстау құрылғысыз 12 жасқа дейінгі балаларды тасымалдауға тыйым салынады.

Бұл жол қозғалысы қатысушыларының қауіпсіздігі үшін қажет норма болып енгізілді. Көпшілік қателесіп, баланы қолда ұстай алатынын айтады. Бірақ – бұл олай емес. Қақтығысу, кенеттен тежеуішті басу немесе соғылу барысында 50 км/сағ. жылдамдықта жолаушының салмағы 30 есеге өседі. Егер баланың салмағы 10 кг болса, соғылу кезінде ол 300 кг дейін болады және оны алдыңғы креслоға немесе алдыңғы көлік терезесіне соғылудан ұстау мүмкін емес. Нақтырақ, баланы қолмен ұстап тасымалдаған ең қауіпті деп саналады. Осы себептен баламен бірге бір қауіпсіз белдігімен бекітілуге  де болмайды. Ересек адам өз салмағымен оны басып - жаншуы мүмкін.

Бүкіләлемдік денсаулық сақтау ұйымының мәліметтері бойынша ұстау құрылғыларының пайдалануы бала-жолаушылар арасында 54% өлімді төмендетеді, ал жарақат алу қаупін 70% төмендетеді.

ШҚО ІІД ӘПБ