ШҚО бойынша Экономикалық тергеу департаменті «Antikor.live» жобасына қатысты
Ағымдағы жылдың 28 қазанында Шығыс Қазақстан облысы бойынша
Экономикалық тергеу департамент басшысы Т.Қайыпберген «Antikor.live» жобасына қатысты.
Тікелей эфир барысында Талғат Қайыпбергенұлы Департаменттің Шығыс Қазақстан облысы аумағында көлеңкелі экономикаға қарсы атқарып жатқан шаралары туралы баяндады.
«Ағымдағы жылы Департаменттің қарауында өнідірісінде 194 қылмыстық іс болды, оның 113 аяқталып, сотқа 96 қылмыстық іс жолданды. Мемлекетке 3 млрд. астам шығын қайтарылып, 430 миллион теңгенің мүлкіне тоқтам салынды.
Жалған есеп шоттарды жазып беру және ақша қаражаттарын криминалдық қолма қол ақшаға айналдыруға қарсы тұруға бағытталған «STOP-ОБНАЛ» жедел іздестіру шаралары барысында 39 қылмыстық іс тіркелді, заңсыз ақша айналымы облыс бойынша 26,1 %-ға төмендеді.
Жүргізілген жедел іздестіру шаралары нәтижесінде заңсыз қаржы операцияларымен айналысқан ұйымдасқан 4 қылмыстық топ құрықталды, екі фактіден шетелден ақша қайтармау және қаржы пирамидасы ашылды. Бюджет қаражатын талан таражға салумен байланысты 15 қылмыстық іс тергелуде,- деп атап өтті спикер.
Сондай-ақ қылмыстық процесске қатысушылардың конституциялық құқықтарын сақтау бағытында атқарылып жатқан жұмыстарға: «Мемлекет басшысының тапсырмасын орындау мақсатында тергеу процессінің ашықтығын қамтамасыз ету мақсатында Департаментте ашық жауап алу кабинеттері жабдықталды. Олар бойынша жауап алынғандардың жақындары процессті басынан аяғына дейін қадағалай алады» деп баса назар аударды.
Сонымен қатар желі қолданушыларына сыбайлас жемқорлыққа қарсы қабылданып жатқан профилактикалық іс-шаралар туралы, оның ішінде қызметкерлер арасында сыбайлас жемқорлықты болдырмауға бағытталып жатқан шаралар туралы айтып өтті.
[xfvalue_img]
1 пікір