БИЗНЕС ЖӘНЕ ИНВЕСТИЦИЯЛАРДЫ ҚОРҒАУ

Шығыс Қазақстан облысының Сыбайлас жемқорлыққа қарсы қызметінің бірінші орынбасары Ж. Байділдин «ANTIKOR.LIVE» жобасы аясында «Бизнес пен инвестицияларды қорғау» жобасының жұмысы туралы түсінік берді.

Қолайлы инвестициялық ахуал жасау және бизнес пен инвесторлардың мемлекеттік билік институттарына сенімін арттыру мақсатында 2018 жылғы маусымда «Protecting business and investments» (PBI) жобалық кеңсесі құрылды. Бұл жоба инвесторлар мен кәсіпкерлердің заңды құқықтары мен мүдделерін қорғауға, сондай-ақ оларды сыбайлас жемқорлыққа қарсы сүйемелдеуді жүзеге асыруға арналған.

Бұл ретте сүйемелдеу тәулігіне 24/7 – жиырма төрт сағат, аптасына жеті күн қағидаты бойынша жүзеге асырылады.

Ағымдағы жылғы 19 тамызда Сыбайлас жемқорлыққа қарсы іс-қимыл мәселелері жөніндегі кеңейтілген кеңесте Мемлекет басшысы шағын және орта бизнес Сovid-19 пандемиясының жағдайында қиын кезеңдерді бастан өткеруде және бұрынғыдан да қолдауды қажет етедіндігін атап өтті. Оның айтуынша, кәсіпкерлік қызметке заңсыз араласу «мемлекетке қарсы ауыр қылмыс» ретінде қарастырылуы керек.

Бұдан басқа, шағын бизнес жөніндегі халықаралық кеңестің (ICSB) деректеріне сәйкес, әлемдегі ШОБ барлық кәсіпорындардың 90% - дан астамын құрайды, халықтың жалпы жұмыспен қамтылуының орта есеппен 70% - ын және ЖІӨ-нің 50% - ын қамтамасыз етеді, бұл азаматтардың әл-ауқаты жеке сектордағы істің жағдайына байланысты екенін куәландырады.

Тікелей эфир барысында сыбайлас жемқорлыққа қарсы іс-қимыл департаменті басшысының бірінші орынбасары бүгінгі таңда елімізде жалпы инвестиция сомасы 12 трлн теңгеден асатын 500-ден астам бизнес-жоба сыбайлас жемқорлыққа қарсы сүйемелдеу аясында екенін атап өтті.

Жоба іске асырыла бастағаннан бері Шығыс Қазақстан облысында бизнесті қорғаудың белгілі бір табысты мысалдары бар. Мысалы, жобаның фронт-офисіне «ПРОМОТХОД Қазақстан» ЖШС (бұдан әрі - кәсіпорын) директоры ШҚО Табиғи ресурстар және табиғат пайдалануды реттеу басқармасы тарапынан мемлекеттік экологиялық сараптама қорытындысын беруден бас тартуға қатысты жүгінді.

Кәсіпорынның қоршаған ортаға әсерін толық зерттеу және объективті бағалау мақсатында Департамент жобаның фронт-офисімен бірлесіп, кәсіпорын өкілдерінің, ШҚО Табиғи ресурстар және табиғат пайдалануды реттеу басқармасы және қоғамдық денсаулық сақтау департаменті басшылығының қатысуымен арнайы кеңес өткізді.

Аталған кеңесте кәсіпорын мен әкімдік басқармасына кейбір ұсыныстар берілді.

Жобалық кеңсенің портфелінде шешілген мәселелердің көп саны бар. Инвесторлармен тікелей қарым-қатынас жасау елдегі бизнес пен кәсіпкерліктің дамуына кедергі келтіретін "ауырсыну нүктелерін" анықтауға мүмкіндік берді.

Сонымен қатар, бизнеспен жұмыс істеу «бір қақпаның ойыны» болмауы керек. Кәсіпкерлердің өздері мемлекеттік органдармен өзара іс-қимыл кезінде заңсыз іс-әрекеттердің бастамашысы болатын жағдайлар жиі кездеседі.

Қазіргі уақытта Шығыс Қазақстан өңірінің 29 бизнес субъектісі сыбайлас жемқорлыққа қарсы іс-қимыл агенттігінің облыстық департаментімен жалпы сомасы 270 млрд.теңгеден астам сомаға Сыбайлас жемқорлыққа қарсы келісімге қол қойды.

Сыбайлас жемқорлыққа қарсы іс-қимыл департаментінің мамандары кәсіпкерлердің өз бизнестерін тыныш және еркін дамытуы үшін олардың құзыретіндегі барлық нәрсені жасауға ниетті. Инвестор үшін келісімнің жалғыз талабы-адал және ашық бизнес жүргізу және еліміздің дамуына инвестиция салу міндеттемесі болып табылады.