АҚМОЛАДА БАС ДӘРІГЕРДІҢ ЭЦҚ-СЫ ПАЙДАЛАНУ АРҚЫЛЫ БЮДЖЕТ ҚАРАЖАТЫ ҰРЛАНҒАН
Денсаулық сақтау саласындағы сыбайлас жемқорлықтың алдын алуды күшейту Ақмола облысы бойынша Сыбайлас жемқорлыққа қарсы іс-қимыл департаменті басшылығының және облыстық Денсаулық сақтау басқармасы өкілдерінің қатысуымен бейнеконференцбайланыс арқылы кеңес барысында қаралған басты мәселе болды.
ҚР Қылмыстық-процессуалдық кодексі 200-бабының негізінде Бастапқы медициналық-санитариялық көмек көрсету орталығы бас дәрігерінің ЭЦҚ-сы арқылы ақшалай қаражатты ұрлау фактісі бойынша осы мекеменің бухгалтеріне қатысты қылмыстық іс шеңберінде ұсыну қаралды. Қазіргі уақытта іс сотта қаралуда.
Заңдылықтың бұзылуына басшылық тарапынан тиісті бақылаудың болмауы, қаржылық қауіпсіздікті қамтамасыз ету бойынша жұмыстың төмен ұйымдастырылуы себеп болды.
Тергеу-жедел тәжірибесін талдау көрсеткендей, өңірдің денсаулық сақтау жүйесіндегі сыбайлас жемқорлық қылмыстардың жиі кездесетін түрлері қызметтік өкілеттілікті теріс пайдалану, сеніп тапсырылған бөтен мүлікті иемдену немесе ысырап ету және парақорлық болып табылады.
Мысалы, бұрын мемлекеттік сатып алу туралы шарт жасасқаны үшін жеке кәсіпкерден 5 миллион теңге сомасында пара алған «Бурабай» республикалық оңалту орталығының директоры Исаев 3,6 жыл мерзімге сотталды.
«Ағымдағы жылы денсаулық сақтау саласына мемлекет тарапынан 5,9 миллиард теңге бөлінді, келісіңіз, сома өте маңызды. Өкінішке орай, осы саладағы сыбайлас жемқорлық құқық бұзушылықтардың статистикалық сандары да аз емес. Денсаулық сақтау жүйесіндегі сыбайлас жемқорлықтың қоғамдық қауіптілігі өте жоғары екенін түсіну қажет, өйткені ұрланған қаражат дәрі – дәрмектерге, медициналық жабдықтарға, қорыта алғанда -емдеуге және адамдардың өмірін сақтауға баруға тиіс еді. Елімізде қалыптасқан эпидемиологиялық жағдайында бұл мәселе өте өзекті. Сондықтан, барлықтарыңызды өз қызметтік парызымды адал орындауға шақырамын», - деп атап өтті аймақтық Сыбайлас жемқорлыққа қарсы қызметтің басшысы Мұрат Төлеубаев.
Сыбайлас жемқорлыққа қарсы іс-қимыл агенттігінің Ақмола облысы бойынша департаментінің баспасөз қызметі
[xfvalue_img]
