«Отбасы құндылығы - татулық пен бірлікте!» атты тақырыпта конференция өткізілді
Жамбыл облысының кәмелетке толмағандардың істері жөніндегі мамандандырылған ауданаралық сотының ұйымдастыруымен «Отбасы құндылығы - татулық пен бірлікте!» атты тақырыпта конференция өткізілді.
Аталған іс-шара «Көне Тараз» мәдени-тарихи орталығы «Достық үйі» ғимаратында облыс судьяларының, мемлекеттік мекемелердің басшылары мен өкілдерінің, Қазақстан халқы ассамблеясының өкілдерінің, ювеналды кеңес адвакаттарының, медиаторлардың, үкіметтік емес ұйымдар мен жергілікті БАҚ өкілдерінің қатысуларымен өткізілді.
Іс-шараның мақсаты - ұлттық құндылығымызды жаңғырту үшін облысымызда құрылған Билер кеңесі мен Медиаторларды ата-аналардың арасындағы бала дауы бойынша сотқа дейінгі реттеу жұмыстарына барынша тарту болып табылады.
Ювеналдық сотының төрағасы Ербол Дүйсенбаев өзінің алғы сөзінде, Мемлекет Басшысының «Сындарлы қоғамдық диалог - Қазақстанның тұрақтылығы мен өркендеуінің негізі» атты Қазақстан халқына Жолдауында бала құқығын және отбасын қорғауға ерекше көңіл бөлу керектігін және отбасының қалыптасуына, қоғамның қалыптасуы тікелей байланысты екендігін айтты.
Жамбыл облыстық сотының судьясы Ардак Акетаев «Ұрпақ тәрбиесі болса, сол ұлттың болашағы да жарқын болмақ» демекші «Баланы жастан» деп халқымыз бала тәрбиесін әріден бастау керектігін айтып өтті.
Сонымен қатар, аталған тақырыптың аясында бірлесіп ой қозғап, бала дауына байланысты қордаланған мәселерді бірлесіп шешкеніміз дұрыс болады деген ойын білдіріп, конференция қаысушыларына сәттілік тіледі.
Іс-шара барысында қатысуышалрдың назарына Жамбыл облысының кәмелетке толмағандардың істері жөніндегі мамандандырылған ауданаралық сотының баламен кездесу уақытын белгілеу туралы бейнеролик көрсетілді.
Сонымен қатар конференцияда Жамбыл облысы әкімдігі білім басқармасының басшысының орынбасары Талғат Жамалов, Жамбыл облыстық билер кеңесінің мүшесі Уалига Кайманова, ҚХА Жамбыл облысы медиация кабинетінің меңгерушісі Валентина Досыбиева, Т.Рысқұлов ауданы әкімінің орынбасары Бейсенбек Әлпейісов, Байзақ аудандық сотының судьясы Ансабек Назаркулов, Жамбыл облысының кәмелетке толмағандардың істері жөніндегі мамандандырылған ауданаралық сотының судьясы Тахмина Сұлтанова баяндама жасады.
Конференцияға қатысушылар баяндамаларды талқылағаннан кейін «Отбасы құндылығы – татулық пен бірлікте!» атты тақырыбында отбасын сақтауға ықпал ететін отбасылық құндылықтар мен ұлттық дәстүрлерімізді насихаттау, отбасылық қарым-қатынаста туындайтын даулардың деңгейін азайту және оларды сотқа жеткізбей, татуластыру әдістерімен шешу, өзара бірлесіп қала, аудан аясында жоспарлы түрде ақпараттық-түсіндірме жұмыстарын, ашық есік күндерін, семинарлар өткізу, азаматтарды қабылдау, халықпен атқарылған жұмыстар нәтижесінде орын алған жағдайлар мен азаматтардан түскен ұсыныстар бойынша атқаруға қажетті жұмыстарды бірлесіп жан-жақты қолға алып, шешу және нәтижесі бойынша жалпылама талдау жасап, есеп дайындау, барлық қорғаншылық және қамқоршылық органдарында билер кеңесі мен медиация кабинеттерін ашу және сотқа дейінгі дауды реттеу мақсатында медиатор мен билер кеңесі мүшесін тұрақты түрде бекіту туралы қарар қабылданды.
Конференция соңында қатысушылар тақырып бойынша өзара пікір алмасты.
Жамбыл облысының кәмелетке толмағандардың істері жөніндегі мамандандырылған ауданаралық сотының баспасөз қызметі
[xfvalue_img]
