Маңғыстауға үлкен футбол қайта оралды
Футболдан Қазақстанның Бірінші лигасының «Каспий» және «Қайрат А» футбол командаларының арасындағы 28 тур ойыныөтті. Ала допты сағынған жанкүйерлер үш мың орындық стадионға лық толды. Маңғыстау командасын қолдау үшін облыс әкімі Ералы Тоғжанов бастаған мемлекеттік қызметтершілер, зиялы қауым өкілдері қатысты. Күрделі жөндеуден өтіп, стандартқа сай қайта жаңартылған "Жас қанат" стадионының ашылуында өңір басшысы сөз алып, ойыншыларға сәттілік тіледі.
«Соңғы 3 жылда біздің команда белгілі себептерге байланысты «үйде» өткізетін ойындарын Шымкент қаласында өткізіп, Маңғыстаулық футбол жанкүйерлері өз командасын көре алмайтын жағдайға келді. Былтыр спортшыларға берген уәдеміз бойынша, бүгінгі күні «Жас қанат» стадионының футбол жабындысы ауыстырылып, қалыпқа келтірілді. Жоғары деңгейде футбол ойындарын өткізу үшін барлық жағдайы жасалынды. Бұның барлығы жергілікті кәсіпкер, құрылысшы азаматтардың демеушілігімен атқарылар ауқымды шара. Сондықтан қолдау көрсеткен барлық азаматтарға алғыс айтамын. Маңғыстау футболындағы оң өзгерістер жалпы команданың психологиялық ахуалына әсер етті. Нәтижесінде командамыздың ойын өрнегі де оң бағытта өзгерді», - деді облыс әкімі Ералы Тоғжанов. Сондай-ақ ол, "Каспий"клубына су жаңа автобустысыйға тартты. Араға жылдар салып, үлкен футболмен қайта қауышқан жанкүйерлермерекелі кештің куәсі болды. Каспий клубының ойыншылары алғашқы болып, есеп ашса, екі таймның қорытындысы бойынша 3-3 есебімен аяқталды.
Маңғыстау облысы әкімінің баспасөз қызметі
[xfvalue_img]
13 пікір