ҚР Омбудсмені ұлттық құқық қорғау мекемелерінің Азия-Тынық мұхит Форумының жыл сайынғы кездесуі барысында құқық қорғау әлеуетін нығайту мәселелерін талқылады

Гонконг қаласында ҚР Адам құқықтары жөніндегі уәкіл (Омбудсмен) Асқар Шәкіров ұлттық құқық қорғау мекемелерінің Азиялық-Тынық мұхит форумының (АТФ) жыл сайынғы отырысына қатысты, оның барысында мүше мемлекеттер жұмысының кезекті нәтижелері қаралды.

Омбудсмен өз сөзінде әріптестерін өз мекемесінің жылдық жұмысы, сондай-ақ Мемлекет басшысының бастамасы бойынша конституциялық реформа және басқа да ауқымды бағдарламалар аясында Қазақстанда жүргізіліп жатқан институционалдық дамудың өзекті мәселелері туралы хабардар етті.

Омбудсмен мәртебесін конституциялық түрде бекіту оның мекемесін ұлттық құқық қорғау мекемелері қызметінің Париж қағидаттарына сәйкес келтіру жөніндегі жұмысты одан әрі жандандырды, осыған байланысты, БҰҰ, ЮНИСЕФ, ЕҚЫҰ, Еуропа Кеңесі және АТФ секілді адам құқықтары саласындағы жаһандық және аймақтық серіктестермен жұмыс күшейтілді.

А. Шәкіров есепті кезең ішінде Омбудсмен мекемесінің жұмысында халықтың осал топтарының, оның ішінде балалардың, әйелдердің, қарт адамдардың және ерекше қажеттіліктері бар адамдардың құқықтарының сақталуына мониторинг жүргізуге ерекше көңіл бөлінгенін атап өтті.

Сондай-ақ, құқық қорғау мекемесінің Қазақстан Республикасының халықаралық міндеттемелерін ұлттық заңнамаға жүзеге асыру бойынша заң шығару жұмыстарына белсенді қатысуы атап өтілді. Мәселен, Парламент бірінші оқылымда Азаптауларға қарсы ұлттық алдын алу тетігінің мандатын оның тізбесіне қосымша 216 балалар институционалдық мекемесін енгізу арқылы кеңейтуді қарастыратын заң жобасын мақұлдады.

Омбудсмен кездесу барысында Орталық Азия ұлттық құқық қорғау мекемелерінің өзара іс-қимыл алаңын құру және аймақтағы адам құқықтары саласындағы маңызды мәселелерді шешу үшін «жол картасын» әзірлеу туралы қазақстандық бастаманы хабардар етті.

 Нәсілдік және кемсітушіліктің өзге де нысандарына қарсы күрес туралы мәселені талқылау шеңберінде шетелдік әріптестер Қазақстанда этносаралық және конфессияаралық келісімді сақтауға баса назар аударды, оның бұзылуы қазіргі заманның негізгі қиындықтарының бірі болып табылатын әлемдегі жаһандық сипатқа ие болуымен ерекшеленді.  Осы тұрғыда олар жалпы мемлекеттің осы саладағы саясаты және Омбудсмен мекемесімен ынтымақтастық туралы Меморандум жасасқан Қазақстан халқы Ассамблеясының қызметі туралы хабардар болды.

АТФ отырысында ұйымдастыру мәселелері қарастырылды, оның қорытындысы бойынша ұйымның жаңа мүшелері, соның ішінде Қырғыз Республикасының Омбудсмен мекемесі қабылданды.

ҚР Адам  құқықтары жөніндегі уәкіл аппаратының