СҚО Сыбайлас жемқорлыққа қарсы қызметіне жаңа басшы тағайындалды
Ведомствоның баспасөз қызметінің мәліметінше, ҚР Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаментіне Бақдәулет Махмуд тағайындалды.
Махмуд Бақдәулет Бақмұхамедұлы, 1980 жылы туған, Қызылорда облысының тумасы, жоғары экономикалық және заңгерлік білімі бар.
Бауыржан Момышұлы атындағы ІІ дәрежелі «Айбын» орденімен, құқық қорғау органдарының ведомстволық наградаларымен марапатталған.
Еңбек жолын 2002 жылы қаржы полициясы органдарында бастады. Әр түрлі лауазымдарда, соның ішінде басшылық қызметтерде қызмет өткерді.
2016 жылдан бастап Қазақстан Республикасының Сыбайлас жемқорлыққа қарсы қызметінде жұмыс істейді.
Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Солтүстік Қазақстан облысы бойынша департаментінің басшысы лауазымына тағайындалғанға дейін Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Астана қ. бойынша департаменті басшысының орынбасары лауазымын атқарды.
[xfvalue_img]
