Солтүстікқазақстандық полицей самбодан өткен республикалық жарыста жүлдегер атанды
Солтүстік Қазақстан облысы полиция департаменті аппаратының қызметкері Қайырбек Батырхан спорттық қоржынға тағы бір медаль қосты. Ол – ҚР ішкі істер министрлігінің төрт дүркін чемпионы, қазақ күресінен Қазақстан кубогының иегері, ҚР ІІМ құрамасының мүшесі және құрметті динамошы.
Ол «Динамо» дене шынықтыру-спорт қоғамының ХI ведомствоаралық спартакиадасы және ҚР ІІМ ХI спартакиадасы шеңберінде спорттық самбодан өткен жарысқа қатысты. Жарыс Шымкент қаласында 10-12 қазан аралығында өтті.
Полиция капитаны Қайырбек 79 кг. салмақ дәрежесінде белдесті. Ол тартысты төрт кездесу өткізіп, жекелей есепте үшінші орынға қол жеткізді. Оның айтуынша, спортпен шұғылдану полиция қызметкерлері үшін өте қажет, әрі ішкі істер органдарының имиджін арттыруға да мүмкіндік береді.
Игорь Мерцалов
СҚО ПД баспасөз қызметі
[xfvalue_img]
