Денсаулық сақтау саласындағы сыбайлас жемқорлық тәуекелдеріне сыртқы талдау басталды
Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Солтүстік Қазақстан облысы бойынша департаменті ағымдағы жылдың 18 қыркүйегі мен 19 қазаны аралығында Солтүстік Қазақстан облысы әкімдігінің денсаулық сақтау басқармасының және оның ведомстволық бағынысты ұйымдарының қызметінде сыбайлас жемқорлық тәуекелдеріне сыртқы талдау жүргізілетіндігі туралы хабарлайды.
Аналитикалық жұмыс шеңберінде медициналық техниканы сатып алу, оны пайдалану және халық үшін қолжетімділігі, медициналық ұйымдардың қызметкерлеріне еңбекақы төлеу, сондай-ақ медициналық мекемелер ғимараттарының құрылыс-монтаж жұмыстары мәселелерін жемқорлық көріністеріне төзімділігін зерделеу жоспарланған.
Осыған байланысты, барлық ниет білдірушілерден облыстың медициналық мекемелерінде құрылғыларды тиімсіз сатып алу, жалған адамдарға ақы төлеу және бұзушылықтары бар құрылыстар туралы қолда бар мәліметтерді, сондай-ақ талдау объектісінің қызметін регламенттейтін нормативтік құқықтық актілерді жетілдіру жөніндегі ұсыныстарды ұсыну арқылы талдауға қатысуға шақырамыз.
Ақпаратты «Талдау» белгісімен upd.sko@antikor.gov.kz электрондық поштасы арқылы немесе 36-24-49, 70-13-83 телефон нөмірлері бойынша беруге болады.
[xfvalue_img]
