«ҚОСТАНАЙ КӘСІПКЕРЛЕР ПАЛАТАСЫНДА ЖЕР УЧАСКЕЛЕРІН БИЗНЕСКЕ БӨЛУ КЕЗІНДЕ СЫБАЙЛАС ЖЕМҚОРЛЫҚ ТӘУЕКЕЛДЕРІ МӘСЕЛЕЛЕРІ БОЙЫНША КЕЗДЕСУ ӨТТІ»

Қостанай облысының кәсіпкерлер палатасында Қостанай облысы бойынша Сыбайлас жемқорлыққа қарсы қызмет басшылығының облыс әкімі орынбасарының, өңірлік кәсіпкерлер Кеңесі Төрағасының қатысуымен бизнес субъектілерімен кездесу өтті.

Кездесу аясында мемлекеттік органдармен өзара іс-қимыл кезінде Бизнестің сыбайлас жемқорлық тәуекелдері мәселелері талқыланды. Күн тәртібінің негізгі тезистерінің бірі жер учаскелерін бизнеске бөлу және олардың қолжетімділігі саласындағы проблемаларға, сондай-ақ коммуникацияларға қосылудың техникалық шарттарын алу мәселелеріне қатысты болды.

Кездесу барысында Қостанай облысы бойынша сыбайлас жемқорлыққа қарсы іс-қимыл департаментінің басшысы Бауыржан Ұзынжас: - "басым міндеттердің бірі - кәсіпкерлік қызметті тежейтін барлық жасанды кедергілер мен шектеулерді жою, сонымен қатар мемлекеттік аппараттың ашықтығы, бюрократиясы, артық талаптар қою, бизнесті ашу мен жүргізудің қиындығы, заңнаманың жетілмегендігі - мұның бәрі мәселелерді заңсыз шешуге негіз болып табылады және әртүрлі сыбайлас жемқорлық схемалары" - деп атап өтті Департамент басшысы.

Оның айтуынша, бұл бағыттағы жұмыс бизнес-қоғамдастықпен және Ұлттық Кәсіпкерлер палатасымен тығыз ынтымақтастықта жүргізілетін болады және ол қазірдің өзінде нәтиже беріп отыр. Тұрақты негізде бірқатар бизнес-салаларға кешенді талдау жүргізіледі, бизнеске жер бөлу, инфрақұрылымды жүргізу, кәсіпкерлерді қаржылық қолдаудың ашықтығы және кредиттік ресурстардың қолжетімділігі мәселелері зерделенеді.

Кездесу барысында облыс әкімінің орынбасары Арман Әбенов мемлекеттік органдар мен бизнес бірлесіп сапалы өзара іс-қимыл жасап, проблемалық мәселелерді жедел шешу үшін пәрменді тәсілдерді әзірлеуі қажет екенін атап өтті. Бұл аймақтың іскерлік климатына тікелей әсер етеді.

Өткен жылы бірлескен күш-жігердің арқасында жаңа тәсілдер енгізілді, бұл көптеген бағыттар бойынша жұмысты жақсартуға мүмкіндік берді, мысалы, өңір шағын және орта бизнесті қолдауға берілген 1 млрд. теңгені алғашқылардың бірі болып игерді және кәсіпкерлердің құқықтарын қорғау бойынша көшбасшы болды, бизнестің мемлекеттік органдармен өзара іс-қимылына басты назар аударылды, бұл толығымен "мемлекеттік мүдделер орталығындағы бизнес" қағидатын іске асыруға сәйкес келеді.

Кездесу барысында кәсіпкерлер газға қосылудың техникалық шарттарын алу мәселесі көтерді, сонымен қатар, бірқатар кәсіпкерлер жер мәселелері бойынша, соның ішінде жер учаскелерін бизнеске бөлу кезінде сыбайлас жемқорлық тәуекелдерінің орын алу мүмкіндігі туралы бір қатар проблеммалық мәселелрді ортаға салды.

Ұлттық палата өкілдері, құзырлі мемлекеттік органдар мен Сыбайлас жемқорлыққа қарсы қызметпен бірлесіп, кәсіпкерлердің барлық өтініштері, ұсыныстары мен ұсынымдары жұмысқа алынып, сыбайлас жемқорлық тәуекелдерін талдау кезінде талдамалық жұмыс шеңберінде егжей-тегжейлі зерделенетінін және пайдаланылатынын, сонымен қатар бизнес мүдделерін қозғайтын салалардағы жұмыс тобының сараптамалық практикасы жалғасатынын атап өтті. 

ҚР СЖҚІА Қостанай облысы бойынша Департаменті