Қызылордада пробация есебіндегі азаматтар кітап көрмесіне қатысты
14.02.2022 жылы Ә.Тәжібаев атындағы облыстық әмбебап ғылыми кітапханасы «100 жаңа оқулық – заманауи білім бұлағы» тақырыбында кітап көрмесін ұйымдастырды. Көрмеге Қызылорда қалалық пробация қызметінің есебіндегі қоғамнан оқшаулаумен байланысты емес жаза түріне сотталған азаматтарқатысты. Есептегі азаматарды жылы шыраймен қарсы алған кітапхана қызметкері оларға кітап көрмесімен таныстырып насихат пен саясаттану, әлеуметтану мен философия, психология, педагогика, экономика, мәдениеттану және филология ғылымдары бойынша түсініктеме беріп, «Менеджмент» саласы бойынша басылып шыққан жаңа кітаптарды насихаттады. Шара соңында көрмеге қатысқан есептегі азаматтарға кітап сыйлады.
«Білімнің қайнар көзі- кітапта деп бекер айтылмаған. Кітап бізді қайырымдылыққа, адалдыққа, әділдікке үйретеді. Бүгінде ақпараттық-технология қаншалықты дамыды дегенімізбен, кітаптың алатын орны бөлек. Кітапханаға жиі барып, қажетті кітаптарымды жаздыртып алып оқимын. Бүгінгі кітап көрмесінен мол мағұлмат алдым, шараны ұйымдастырушыларға алғысым шексіз»,-деді есептегі азамат.
Қызылорда облысы бойынша Қылмыстық-атқару жүйесі департаменті
[xfvalue_img]
