«Бортта дәрігерлер бар ма?»
Көптен күткен демалыс пен жайлы рейс - кез келген адамның арманы. Бірақ кейде жолаушылардың жағдайы нашарлауы мүмкін. Медициналық маман үшін мұндай сапар кезекті клиникалық жағдайға айналуы мүмкін. Осылайша, University Medical Center офтальмолог дәрігері Аружан Сәдуақас әуе кемесінің ұшуы кезінде жолаушыға шұғыл медициналық көмек көрсету қажет болған жағдайға тап болды. 8 қаңтарда ұшақ Астанадан Алматыға қонған кезде жолаушыда эпилепсия ұстамасы болды.
Көмекке шақыруға тез жауап бере отырып, Аружан қызға қажетті тексеру өткізіп, тыныс алу жолдарын босатты, жарақат алуды азайту үшін бастың орнын бекітті. Қыздың дәрі-дәрмектері жақын арада қол жетімді болмады, алайда дәрігер мен әуе кемесі экипажының үйлесімді әрекеттерінің арқасында ұстама қысқа мерзімде тоқтатылды. Әуежайда жедел жәрдем бригадасы жолаушыны әрі қарай емдеуге қабылдады.
Эпилепсия - кең таралған неврологиялық аурулардың бірі. Эпилепсия кезінде ми жасушаларында артық электр разрядтары пайда болады, олар құрысулар, бұлшықет спазмы немесе конвульсия түрінде көрінеді. Ұстамалар кезінде бастың жарақат алу қаупін азайту, адамның еркін дем алатынына көз жеткізу және жедел жәрдем шақыру маңызды.
«Эпилепсия ұстамаларының көпшілігі өздігінен тоқтатылады, бірақ пациенттің жағдайын бақылау, тыныс алу және дененің қауіпсіз күйін қамтамасыз ету маңызды. Мен қолымнан келген барлық нәрсені жасадым, қасындағы адамдарды тыныштандыруға тырыстым және алғашқы көмек көрсеттім», - деді Аружан.
Бұл оқиға медицина мамандарының шеберлігін, батылдығын және төтенше жағдайларда да адамдарға көмек көрсетуге дайын екендігін тағы да дәлелдейді.
University Medical Center баспасөз қызметі
[xfvalue_img]
42 пікір