Шығыс Қазақстан облысында дәрі-дәрмекті заңсыз көтеріңкі бағамен сату фактісі анықталды
ҚР ҚМ Қаржы мониторингі комитетінің Шығыс Қазақстан облысы бойынша Экономикалық тергеу департаменті қызметкерлері тауарлар мен көрсетілетін қызметтердің сапасы мен қауіпсіздігін бақылау департаменті қызметкерлерімен бірлесе өткізген жедел-тергеу іс-шарасы аясында көтеріңкі бағамен дәрі-дәрмектерді сату және рецептсіз босатудың і фактілерін анықтады.
Облыс орталығындағы аптекалардың бірінде ҚР Денсаулық сақтау министрлігінің «Бөлшек және көтерме саудада өткізу үшін дәрілік заттың саудалық атауына шекті бағаларды бекіту туралы» бұйрығының нормалары бұзылып, «Амоксиклав Квиктаб» 500 мг, «Аугментин» 500 мг дәрілері заңсыз сатылған.
Сонымен қатар департамент қызметкерлерімен Өскемен қаласындағы логистикалық компания жалдап отырған қоймаға Алматы қаласындағы «Нобел» фармацевтикалық компаниясы жіберген «Тамифлю», «Зитмак-500», «ТайФенХот» дәрілік заттарының физикалық тұлға атына әкелінгені жөнінде ақпарат алынды.
ДСМ 14.09.2015 жылғы «Дәрілік заттарды, медициналық мақсаттағы бұйымдар мен медициналық техниканы көтерме және бөлшек саудада өткізу қағидаларын бекіту туралы» бұйрығының 17 б. сүйене отырып, аталған фармацевтикалық компанияның бөлшек сауда объектісіне жатпайтынын айта кеткен жөн.
Жоғарыда көрсетілген фактілерге қатысты материалдар АЕК тіркеліп, ШҚО бойынша тауарлар мен көрсетілетін қызметтердің сапасы мен қауіпсіздігін бақылау департаментіне ҚР ӘҚБтК-нің 426-бабына сәйкес (фармацевтикалық қызметтің және дәрілік заттар мен медициналық бұйымдардың айналысы саласының қағидаларын бұзу) процессуальдық шешім қабылдау үшін жіберілді.
[xfvalue_img]
