Мемлекеттік қызмет істері агенттігінің Ақмола облысы бойынша департаментімен 2026 жылдың бірінші жартыжылдығында 3627қызмет алушының бұзылған құқықтары қалпына келтірілді
Мемлекеттік қызмет істері агенттігінің Ақмола облысы бойынша департаментімен 2026 жылдың бірінші жартыжылдығында Мемлекеттік көрсетілетін қызметтер бағыты бойынша 14 тексеру жүргізілді, оның барысында 23117 бұзушылық анықталып, қызмет алушылардың 1967 өтініш қаралды.
Шағымдарды қарау, тексеру, сыртқы байқау жүргізу нәтижесінде 3627 қызмет алушылардың бұзылған құқықтарықорғалды. Олардың ішінде, 3448 қызмет алушыға жер қатынастары, геодезия және картография,179 – ауыл шаруашылығы мәселелері бойынша.
Мысалы, 2 шаруа қожалығына 2000 гектардан астам шабындық алқаптарын егістікке ауыстыруға рұқсат берілді. Бұл кәсіпкерлерге қызметін одан әрі дамытуға септігін тигізеді.
Немесе басқа мысал, осыған дейін құқықтары бұзылған 179 шаруаға 418 миллион теңгесубсидиялар төленді.
Агроөнеркәсiптiк кешендi субсидиялау – ауыл шаруашылығы қызметін жүзеге асыратын жеке кәсіпкерлік субъектілерін мемлекеттiк қолдау шараларының бірі.
3000 астам азаматқа жер қатынастары саласындағы қызметтер көрсетілді. Қызмет алушылардың басым көпшілігі – ауылдық елді мекендерде жеке қосалқы шаруашылық жүргізу үшін жер учаскелерін алуға ниет білдіргендер.
Мұндай нысаналы мақсатпен ұсынылған жер учаскелері азаматтарға ауылдарда тұрғын үй салуға, тиісінше елді мекендерді дамытуға үлес қосумен байланысты мүмкіндікке ие етеді.
Қазақстан Республикасы Әкімшілік құқық бұзушылық туралы кодексінің 465-бабы негізінде 23 іс қозғалып, олар 1692 655теңге айыппұл көлемінде қысқартылған тәртіпте өндірілді.
Мемлекеттік көрсетілетін қызметтер саласында құқық бұзушылыққа жол бергені үшін тәртіптік жауапкершілікке 28 лауазымды тұлға тартылды.
Мемлекеттік қызмет көрсету мәселелері бойынша ведомствоаралық жұмыс тобының 2 отырысы өткізілді.Онда өңірлік деңгейде маңызы бар мәселелер қарастырылды.
Атап айтқанда, жұмыс тобының күн тәртібінде «Көкшетау қаласында кәсіпкерлер жер қатынастары саласындағы қызметтерді алумен байланысты проблемалар» сұрағын қарау даулы жағдайдаларда бірнеше кәсіпкерге «Жер учаскесін жалдау мерзімін ұзарту» қызметі бойынша оң нәтиже алуға жәрдем болды.
Бұл жер учаскелерінде коммерциялық құрылыс бастаған кәсіпкерлерге өз бастамаларын толыққанды жүзеге асыруға мүмкіндік береді.
[xfvalue_img]
11 пікір