Сатыбалды Дәулеталин ХКК-ның Бүкілеуропалық өңірлік кеңесінің вице-президенті болып сайланды
Сейсенбі, 5 желтоқсанда Қазақстан Республикасы Кәсіподақтар федерациясының төрағасы Сатыбалды Дәулеталин бастаған қазақстандық делегация Брюссельдегі Халықаралық кәсіподақтар конфедерациясы Бүкілеуропалық өңірлік кеңесінің (БЕӨК) V Бас Ассамблеясының жұмысына қатысты.
БЕӨК-нің мүшелігі Халықаралық кәсіподақтар конфедерациясына (МКП) мүшелікке негізделген. БЕӨК-нің құрамына Қазақстан Республикасы Кәсіподақтар Федерациясын қоса алғанда, ХКК құрамына кіретін 90 ұлттық кәсіподақ орталықтары кіреді.
Бас Ассамблеяның жұмысын аша отырып, БЕӨК Президенті Ираклий Петриашвили әлемдегі тұрақсыз геосаяси жағдай кәсіподақтардан БЕӨК мүше елдердегі еңбекшілердің құқықтары мен мүдделерін қорғау үшін неғұрлым тиімді шаралар қабылдауды талап ететінін айтты. Оның айтуынша, БЕӨК-нің 2023-2027 жылдарға арналған саяси құжатында еңбек нарығының алдында тұрған сын-қатерлерді ескерген жөн.
Жұмыс барысында Бас Ассамблеяның қатысушылары БЕӨК қызметі туралы есепті тыңдады, ұйымның Жарғысына өзгерістер енгізді және ХКК Бүкілеуропалық өңірлік кеңесінің жаңа басқарушы құрамын сайлады.
Делегаттардың дауыс беру қорытындысы бойынша ҚР Кәсіподақтар федерациясының төрағасы Сатыбалды Дәулеталин ХКК Бүкілеуропалық өңірлік кеңесінің вице-президенті, БЕӨК Президенті болып Молдова Ұлттық кәсіподақтар конфедерациясының төрағасы Игорь Зубку сайланды.
ХКК Бүкілеуропалық өңірлік кеңесінің Бас Ассамблеясының қорытынды құжаты – Бас Ассамблея делегаттары ХКК БЕӨК-нің қатысушы елдерде әлеуметтік әділеттілік қағидаттарын ілгерілету ісінде әлеуметтік әріптестер арасындағы тепе-теңдік қатынастарды дамытуға жәрдемдесу жөніндегі кәсіподақтардың ынтымақтастығын нығайту қадамдарын одан әрі айқындайтын Өтініш болды.
Сонымен қатар, БЕӨК-нің Бас Ассамблеясы өңірдегі Кәсіподақтар іс-қимылының басымдықтарын айқындау, бірыңғай ұсынымдарды талқылау және қабылдау, сондай-ақ Ұйымның жаңа басшы құрамын сайлау үшін кемінде 4 жылда бір рет жиналады. Қазіргі басқарушы құрам алдағы 4 жылға сайланды.
ҚР Кәсіподақтар федерациясының медиаорталығы
[xfvalue_img]
