Microsoft Work Trend Index жаңа зерттеуін және басшылар мен қызметкерлерді біріктіретін технологияларды ұсынады

Бизнеске қатысты шешім қабылдайтын көшбасшылардың 82%-ы қызметкерлердің кеңсеге қайтып оралуы проблема деп есептейді. Microsoft корпорациясы  Work Trend Index Pulse «Гибридті жұмыс — бұл жай ғана жұмыс. Біз барлығын дұрыс жасап жүрміз бе?» деп аталатын есебін таныстырды. Сонымен бірге, компания қызметкерлерге мүмкіндіктерін кеңейтуге және экономикалық тұрлаусыздық кезеңінде мотивацияны көтеруге көмектесетін өзара әрекеттестік платформасы – Microsoft Viva-ның жаңа мүмкіндіктері туралы да жариялады.

Microsoft Work Trend Index есебін шығарды, ол жұмыс процестеріндегі жаңадан дамып келе жатқан өнімділік паранойясы, кеңсеге деген көзқарас сияқты үрдістерді ашып көрсетеді, онда қызметкерлердің 73%-ы өздерінің кеңсеге қайтып оралуы үшін, компания оларды күтіп отыр дегеннен гөрі әлдеқайда орынды себеп керек екенін және дағдыларын дамытудың айрықша маңызды екенін айтады, және олардың 55%-ы өз дағдыларын дамытудың ең жақсы жолы жұмыс орнын ауыстыру екенін атап өтеді. Бұл деректер гибридті жұмыстың қызметкерлер мен басшылар арасындағы алшақтықтың барған сайын ұлғайып бара жатқанын көрсетеді. Олардың жоғары өнімділік туралы, есептілікті сақтай отырып автономияны қалай қамтамасыз етуге болатыны туралы пікірлері бір-біріне қарама-қайшы, сондай-ақ икемді жұмыс форматтарының артықшылықтары және кеңсенің рөлі туралы пікірлері үйлеспейді. Осы арақашықтықты жақындату үшін, жұмыс дегеніміз – жай орын ғана емес, қызметкерлер қай жерде болғанына қарамастан жұмысқа белсене араласып, байланыста бола алатындай, уақыт пен кеңістіктің шегінен шығуы тиіс болған тәжірибе де екенін ескеретін жаңа әдіс қажет.

«Табысты қызметкерлер — ұйымдардың бүгінгі динамикалы экономикалық ортада бәсекеге лайықты артықшылығының кепілі, — деп атап өтті Microsoft-тің Қазақстандағы өңірлік менеджері Сергей Лещенко,– Біз біздің қызметкерлермен өзара қарым-қатынас жасауға арналған Microsoft Viva платформамыздың басшыларға өнімділік паранойясын доғарып, әлеуметтік капиталды қалпына келтіруге, сондай-ақ өз қызметкерлерін тартуға, ұстап қалуға және шабыттандыруға көмектесетін жаңартуларын қуана хабарлаймыз».

Microsoft әлемнің 11 еліндегі 20 000 адамнан сауалнама алып, Microsoft 365-тің өнімділігіне қатысты триллиондаған жасырын пікірлерге талдау жасады, сондай-ақ  LinkedIn еңбек саласындағы трендтерін және Glint People Science нәтижелерін зерделеді. Деректер компаниялардың көшбасшылары қолға алуы тиіс болған үш маңызды мәселені көрсетіп берді: (1) өнімділік паранойясын доғару; (2) адамдардың бір-бірімен өзара қарым-қатынас жасағысы келетінін қабылдау; (3) қызметкерлерді қайтадан тартып, оларға оқуға және өсуге қажетті мүмкіндіктерді ұсыну.

Өнімділік паранойясын доғару

• Адамдар бұрын ешқашан болып көрмеген шамада көп жұмыс істейді — биылғы көктемде Microsoft пандемия басталғалы бері дүние жүзінде Microsoft Teams-тің орташа пайдаланушысы үшін жиындар саны аптасына 153%-ға артқанын анықтады. Бұған қоса, адамдар орасан көп кездесулерге шақыртуларды алады — соңғы екі жылда кездесулерден бас тартулар мен шақыртуларға алдын ала берілген жауаптардың саны күрт өскен (сәйкесінше 84%-ға және 216%-ға).
• Қызметкерлердің 87%-ы өздерінің өнімді жұмыс істейтінін айтса, басшылардың 85 %-ы гибридті жұмыс форматына көшу олардың бұған күмәндануына себеп болғанын атап өтеді. Бұл өнімділік паранойясына әкеліп соқтырып, көшбасшылардың қызметкерлер расымен өнімді жұмыс істеп жатыр ма деген алаңдаушылығын тудырды.

Адамдардың бір-бірімен өзара қарым-қатынас жасағысы келетінін қабылдау

o    Бизнеске қатысты шешім қабылдайтын көшбасшылардың 82%-ы қызметкерлердің кеңсеге қайтып оралуы проблема деп есептесе, адамдар қазір өздерінің қалай, қашан және қай жерде жұмыс істейтініне қатысты икемділік пен дербестікті күтеді: қызметкерлердің 73%-ы өздерінің кеңсеге қайтып оралуы үшін, компания оларды күтіп отыр дегеннен гөрі әлдеқайда орынды себеп керек екенін айтады.

• Шынымен де, неліктен адамдар кеңсеге ықыласпен оралады? Әріптестерін көріп, олармен араласып-құраласу үшін. Қызметкерлердің 84 %-ы әріптестерімен араласу оларға шабыт беретінін атап өтсе, 85 %-ы командалық байланыстарды қалпына келтіру оларға мотивация сыйлайтынын айтады.

Қызметкерлерді қайтадан тартып, оларға оқуға және өсуге қажетті мүмкіндіктерді ұсыну

• Деректер егер адамдар оқып, дами алмайтын болса, жұмыстан кететінін көрсетіп отыр. Қызметкерлердің 55%-ы өз дағдыларын дамытудың ең жақсы жолы жұмыс орнын ауыстыру деп есептейді. Және тағы 76%-ы егер оқу және даму тұрғысынан көбірек қолдау көргенімде, өз компаниямда ұзақ уақытқа қалар едім дегенді айтады.

Осындай қорытындыларға келумен бірге, компания қызметкерлермен қарым-қатынас жасауға арналған Microsoft Viva платформасының осы өзекті проблемалардың кейбірін шешуге арналған жаңартуларын да жариялайды. Негізгі жаңартулар қызметкерлердің пікірлеріне талдау жасайтын Viva Pulse қосымшасын, сондай-ақ олардың өзара байланыста екенін және барлығы бір ғана цифрлық ортаға жататындығын сезіндіретін Viva Amplify, Answers in Viva және People in Viva-ны қамтиды. Microsoft Viva-ның барлық жаңартулары туралы осы сілтемеден немесе толық есептен толығырақ білуге болады. Пайдаланушылар Viva-ның жаңа мүмкіндіктерін 2023 жылдың басынан бастап қолдана алады.

Соңғы бірнеше жылдың ішінде еңбек әлемінде орын алған өзгерістерді уақытша дей алмаймыз, және бүгінде икемділік — қажеттілік. Өз интуициясына сүйеніп қана қоймай, деректерге ден қоятын және әлеуметтік капитал мен қызметкерлерінің карьералық өсуіне баса назар аударатын көшбасшылар тиімді гибридтік жұмысты да, сонымен бірге өзінің басты активі – өз адамдарының бүкіл әлеуетін де іске асыра алады. Бұрын ешқашан бизнестің жағымды нәтижелері дәл қазіргідей адамдардың жағымды нәтижелеріне тәуелді болған емес.

Microsoft инновацияларды енгізіп, цифрлық өзгеруді қамтамасыз ете отырып, жер бетіндегі әр адамға және әр ұйымға көбірек жетістіктерге жетуге мүмкіндік береді.

Толығырақ білу үшін,  Microsoft ресми блогын,  Microsoft 365 блогын және Work Trend Index Pulse жаңа есебін қараңыз.

Қосымша ақпарат, Microsoft жаңалықтары мен жоспарлары Microsoft News Center CEE Multi-County веб-сайтында.