Жамбыл облысы ПД өткен жылды қорытындылады — 2025 жыл профилактика жылы деп жарияланды
Жамбыл облысы Полиция департаментінде ҚР ІІМ аппаратының басшысы Оңал Бекиевтің төрағалығымен жедел кеңес өтті. Онда 2024 жылдың жұмыс қорытындылары талқыланып, алдағы кезеңге арналған негізгі міндеттер айқындалды.
Ішкі істер министрі Ержан Сәденов атап өткендей, Мемлекет басшысы әділетті Қазақстанның негізі болып табылатын «Заң және Тәртіп» принципін жүзеге асыруды қамтамасыз етуді тапсырды.
Полиция осы қағидатты елімізде берік орнықтыруда маңызды рөл атқарады, сондықтан құқық қорғау органдарының алдында азаматтардың қауіпсіздігін жан-жақты қамтамасыз ету міндеті тұр.
– Бізге ұсақ бұзақылық пен вандализмнен бастап, заңсыз көші-қон мен ауыр қылмыстарға дейін барлық құқық бұзушылықтарға қатысты ең қатаң шаралар қабылдау тапсырылды. Қылмыстарды барынша жедел ашу қажет, – деді ПД бастығы Бақытжан Малыбаев.
2025 жыл Ішкі істер министрі тарапынан Профилактика жылы деп жарияланды. Барлық жерде «Полиция – Заң және Тәртіп күзетінде» қағидасы сақталуы тиіс. Әрбір азамат өзін қауіпсіз сезінуі қажет. Осы мақсатта құқық қорғау жүйесі үйлесімді және тиімді жұмыс істеуі тиіс. Ең алдымен, заң бұзған кез келген адам міндетті түрде жауапкершілікке тартылуы тиіс деген заң талаптары мүлтіксіз орындалуы керек.
[xfvalue_img]
145 пікір