«Adal kómek» жобасы: Ақмола облысында 850-ден астам тікелей эфир өтті
Азаматтардың құқықтық сауаттылығын арттыру және тегін заң көмегін көрсету мақсатында «Волонтер жылы» шеңберінде ҚР Сыбайлас жемқорлыққа қарсы іс-қимыл агенттігінің «Adal kómek» жобасы іске асырылуда. Оның жетекшісі - ҚР Президенті жанындағы Ұлттық қоғамдық сенім кеңесінің мүшесі, белгілі адвокат Айман Умарова.
Коронавирустық пандемия басталғанға дейін облыстық Сыбайлас жемқорлыққа қарсы ведомство қызметкерлерінің, тәжірибелі заңгерлердің, адвокаттардың, нотариустардың, өңірдің мемлекеттік мекемелері мамандарының кеңестері «Аntikor ortalyǵy» ғимаратында апта сайынғы негізде және азаматтарға ыңғайлы болу үшін демалыс күні өткізілген болатын.
Алайда, Covid-19 өз өзгерістерін жасады, енді тұрғындар үйден шықпай-ақ онлайн форматта кеңес алады.
Атап айтқанда, жыл басынан бері жоба аясында аумақтық Сыбайлас жемқорлыққа қарсы іс-қимыл департаменті әлеуметтік желілерде заң саласының өкілдері мен мемлекеттік органдардың қызметкерлерін тарта отырып, 850-ден астам тікелей эфир өткізді, оның ішінде ерекше қажеттіліктері бар адамдар үшін.
Айта кету керек, облыстың өңірлері «Сервистік әкімдіктерінің» алаңдарында облыстың қалалары, аудандары мен ауылдық округтері әкімдерінің, сондай-ақ әкімдіктердің дербес бөлімдері басшыларының қатысуымен тікелей эфирлерлер өтуде.
Кеңестер жер қатынастары, тұрғын үй-коммуналдық шаруашылық, сәулет және қала құрылысы, білім беру, денсаулық сақтау, жұмыспен қамту және әлеуметтік қамтамасыз ету, мемлекеттік қызмет көрсету және басқа да өзекті тақырыптарды қамтыды.
Сонымен қатар, тегін құқықтық көмек алғысы келетін әрбір адам өзін қызықтыратын сұрақты Департаменттің Instagram (anticorruption_aqmola) және Faсebook (anticorruption.aqm.kz) әлеуметтік желілердегі ресми парақшаларында жеке хабарламаға жаза алады.
Ақмола облысы бойынша Сыбайлас жемқорлыққа қарсы іс-қимыл
департаментінің баспасөз хатшысы Динара Нұртаз
[xfvalue_img]
