«Отбасылық сот» жобасы іс жүзінде
Батыс Қазақстан облысы Орал қаласының №2 сотында «Отбасылық сот» пилоттық жобасының жүзеге асуы талқыланды. Іс шараға сот судьялары, Орал қаласының ішкі саясат бөлімінің бас маманы Анаргүл Сисенова, үкіметтік емес ұйым өкілдерінен психолог Альфия Науанова қатысты.
Сот аталмыш пилоттық жобаны үйлестіруші судьясы Марина Сахипова өзінің кіріспе сөзінде қатысушыларға еліміздің құқықтық реформаларының жүзеге асуында қосып отырған үлестері үшін ықыласын білдірді, сонымен қатар «Отбасылық сот» пилоттық жобасын жүзеге асыру аясында судьялар неке-отбасы қатынастарынан туындайтын істерді қараған кезде, істі тек мәні бойынша қараумен шектіліп қана қоймай, тараптарды бір-бірімен татуластырып, отбасыны сақтап қалуға тырысатын тілге тиек етті.
Қазақстан Республикасының Жоғарғы Сотының «Отбасылық сот» пилоттық жобасын енгізу және жан-жақты дамыту, қолайлы құқықтық ортаны қалыптастыру мақсатында, Орал қаласының №2 соты және БҚО әкімдігінің денсаулық сақтау басқармасы ШЖҚ «Облыстық психикалық денсаулық орталығы» МКК, «Жұмыспен қамту және әлеуметтік бағдарламалар бөлімінің тұрмыстық зорлық-зомбылық құрбандарына арналған дағдарыс орталығы» КММ, Батыс Қазақстан облыстық медиаторлар одағы, сонымен қатар «Ана үйі» қоғамдық қоры арасында Қазақстан Республикасының іс жүзіндегі заңнамалық нормаларды басшылыққа ала отырып өз құзыреті шегінде, мемлекеттік отбасы саясатын дамытуды назарға ала отырып меморандум жасалып, соның негізінде сотқа некені бұзуға жүгінген жұптармен жеке әңгімелесу жұмысы енгізілді. Психологтар аптасына екі рет соттың штаттық режимінде жұмыс жасады. Аталмыш жұмыс үстіміздегі жылы өз жалғасын тапты.
Кездесу соңында тараптар өзара жұмысты жалғастырудың және ынтымақтастықты кеңейтудің маңыздылығын атап өтті.
О.Ташимова
Орал қаласының №2 сотының БАҚ-пен жұмысқа жауапты маманы
[xfvalue_img]
