Ата-ана медиация туралы келісімге келді
Батыс Қазақстан облысының кәмелетке толмағандардың істері жөніндегі мамандандырылған ауданаралық сотында кәмелетке толмаған баласымен кездесу тәртібін анықтау туралы азаматтық іс қаралды.
Істі сотта қарау барысында тараптар арасында ерлі-зайыпты қатынас тоқтатылғаны, ортақ некеден бір баласы бар екені, ажырасқанннан кейін анасының тәрбиесінде қалған анықталды. Талап қоюшы өзінің бөлек тұруына байланысты ата-аналық құқықтарын жүргізуді және баласымен қолайлы уақытты кездесе алмайды.
Сот отырысы барысында тараптардан медиациялық келісімді бекіту туралы ұсыныс түсті. Оның шартары бойынша талапкер ай сайын екінші және төртінші сенбі күндері сағат 15-тен 18-ге дейін баласымен тұрғылықты жерінде немесе бейтарап аумақта кездесуге құқылы. Бұл жерде бейтарап аймақ ретінде мәдени-көпшілік, спорттық-сауықтыру және балаларға арналған ойын-сауық орындары, баланың мүдделері мен құқықтарына нұқсан келтірмейтін және денсаулығына зиян тигізбейтін басқа да жерлерде кездесуге болатыны айтылған.
Сот ұйғарымымен тараптар арасында жасалынған медиациялық келісім бекітілді, іс жүргізу тоқтатылды.
Сот ұйғарымы заңды күшіне енген жоқ.
Батыс Қазақстан облысының кәмелетке толмағандардың істері жөніндегі мамандандырылған ауданаралық соты
[xfvalue_img]
