Ана тілін білу жақсы мінезбен тәрбие
Тіл –халықтың алтын діңгегі. Өзін –өзі білетін әр халық алдымен өзінің туған тілін сыйлап, мақтан тұта білуі керек. Ана тілін білу әр азаматтың борышы. Тәрбиенің негізгі құралы –тіл, ол ұлттың тарихи көрінісінің белгісі болып табылады.
Елбасының тапсырмасымен туған тіліміздің мәртебесін көтеру мақсатында, еліміздегі барлық мемлекеттік мекемелердегі құжат айналымын қазақ тілінде жүргізу қолға алынды. Тіліміздің мәртебесін көтеру мақсатында Бөкей ордасы аудандық сотында іс қағаздары толықтай 100 пайызға орындалып отыр және үнемі қадағалануда. Сот жүйесінде мемлекеттік тілге деген жанашырлық білдіру, оны құрметтеу осы салада қызмет атқаратын әр қызметкердің міндеті деп айтуға болады. Өз тіліңді сыйлай білгені, мемлекеттік тілді меңгере білгені жөн.
Қазіргі кезде сот саласында барлық іс құжаттары, келіп түскен өтініштер талап арыздар мемлекеттік тілде жүргізілуде. Айта кететін бір жайт кейбір мекемелер әліде орыс тілінде құжаттар әкеледі, оның ішінде кейбір құжаттары қазақ тілінде болатыны анық, оларға дер кезінде мемлекеттік тілде жауап қайтарылады. Біздің өз саламызда ішкі құжаттардың барлығыда мемлекеттік тілде жүргізілуде.
«Көш жүре түзеледі» ғой, бірақ та келешекте осындай келеңсіз оқиғалар орын алмас үшін, тек қана Мемлекеттік тілді дамыту бөліміне міндеттеп қарап отырмайық. Елбасымыз айтқандай: «Мемлекеттік тіл енді ұлттық саясаттың діңгегі болуы тиіс». Сондықтан да, барлығымыз мемлекеттік тіліміздің қолданыс аясының кеңеюі үшін және қазақ тілін Қазақстан Республикасының әрбір азаматы «Мемлекеттік тіл-менің тілім» дейтін деңгейге жеткізу үшін бір үйдің баласындай атсалысайық.
Жандос Қанатұлы
Бөкей ордасы аудандық сотының
бас маманы –сот мәжілісінің хатшысы
[xfvalue_img]
