Пробация қызметі есебіндегі азаматтарға қолдау көрсетуде
Елімізде болып жатқан төтенше жағдайға байланысты, Арал аудандық пробация қызметі қауіпсіздік шараларын сақтай отырып, пробация қызметі есебінде тұрғандарға қажеттіліктеріне қарай көмек көрсетіп келеді. Соның бірден бір дәлелі есептегі Б. деген азаматқа көрсетілген құқықтық көмек.
Бұл азаматқа қайтарымсыз несие алуға пробация қызметі тарапынан жеке бағдарлама толтырылып, 07.-29.11.2019 жыл аралығында «Бастау Бизнес» жобасы аясында кәсіпкерлік негізінде оқу курсын аяқтаған болатын. Осы негізде, азамат Б-ның шотына 530000 теңге түсті.
Бірақ, бұл шот жеке сот орындаушымен бұғатталып қалғандықтан, Арал аудандық пробация қызметі жеке сот орындаушы қызметіне хабарласып, шотын ашу үшін құқықтық көмек көрсетті.
Қазіргі уақытта, Б есімді азаматқа мемлекет тарапынан қайтарымсыз гранд негізінде 530000 теңге көлемінде сертифакат табысталды. Осы қаржыға азамат шағын кәсіп ашпақшы, нақтырақ айтқанда, мал бағумен айналысуға ниет етуде. Ол үшін жақын елді мекендерден шабындықтар сұрастырылып жатыр. Бұл мәселенің шешілуін қадағалауды, қызметкерлер басты назарға алды. Пробация тарапынан осындай қолдауға ие болған Б. деген азамат қоғамға бейімделіп, еңбек арқылы адамгершілік қасеттерінің шыңдала түсері анық. Материялдық жағдайы жақсарып, өмірге деген құлшынысы артады деп ойлаймыз.
[xfvalue_img]
