Төтенше жағдай тәртібін бұзғаны үшін қамаққа алынды
Жаңақала аудандық сотында Қазақстан Республикасының ӘҚБтК-нің 476-бабының 1,6,9-тармағымен азамат Б.-ға қатысты әкімшілік іс қашықтықтан «TrueConf» байланысы арқылы қаралды.
Іс материалдарына сәйкес, 02.04.2020 жылы 12 сағат 30 минут шамасында, Батыс Қазақстан облысы Жаңақала-Чапаев тас жолында орналасқан №1 тосқауыл бекетінде тексеру кезінде, азамат Б-ның адам тасымалдағаны анықталып, төтенше жағдайдың жариялануына байланысты мемлекет орган белгілеген карантин режимін, елді-мекендерге өте қажетті жағдайларды қоспағанда жеке көліктің қозғалысына тыйым салу талаптарын бұзғаны анықталды.
Сот отырысы барысында жауапқа тартылушы И. кінәсін мойындады.
Жасаған құқық бұзушылығы үшін азамат Б. ҚР ӘҚБтК-нің 476-бабының 1,6,9-тармағымен әкімшілік жауаптылыққа тартылып, 10 тәулік мерзімге әкімшілік қамаққа алынды.
Қаулы заңды күшіне енген жоқ.
А.Рыскалиева
Жаңақала аудандық сотының кеңсе бас маманы
Батыс Қазақстан облысы
[xfvalue_img]
