Сот 400 миллион теңгеден асатын дау бойынша татуласу келісімін бекітті
Қаржылық қызметін жүзеге асыратын компания 2012 жылы елорда тұрғынына 500 милионнан астам сомаға 2012 жылдан 2022 жылға дейінгі мерзімге заем берген.
Заем шарты бойынша заем алушы кредиторға заем бойынша негізгі қарызына есептелетін 15 % мөлшерінде жылдық сыйақы төлейді.
Міндеттеменің орындалуын қамтамасыз ету мақсатында жер учаскесі бар өндірістік базаны кепілге қойған.
Заем алушы заем шарты бойынша міндеттемелерін орындамауы нәтижесінде 2019 жылдағы хал-ахуал бойынша оның 400 миллион теңгеден астам сомадағы берешегі пайда болады.
Компания дауды сотқа дейін реттеу шараларын қабылдады, алайда елорда тұрғыны өзінің шарттағы міндеттемелерін орындаудан жалтарып жүрген.
Осыған байланысты заем беруші берешегін өндіріп алу және берешекті ипотекалық шарт бойынша кепілге қойылған жылжымайтын мүлікке айналдыру туралы өтінішпен сотқа жүгінген.
Тараптар сотта ғана бәтуаға келіп, татуласу келісімін жасасу туралы шешім қабылдады.
Алматы аудандық соттың ұйғарымымен тараптардың арасында татуласу келісімі жасалды.
Сотқа жүгіну барысында төленген 12 миллион теңгеден асатын сомадағы мемлекеттік баж компанияға қайтарылды.
Нұр-Сұлтан қалалық сотының баспасөз қызметі
[xfvalue_img]
