Мұғалжар аудандық сотында сот актілерін орындау мәселелері талқыланды
Мұғалжар аудандық сотында прокурорлардың, аудандық полиция бөлімі қызметкерлерінің, жеке сот орындаушыларының қатысуымен «Сот актілерін орындау мәселелері» тақырыбында дөңгелек үстел өткізілді.
Іс – шарада сот төрағасы Абитхан Анарбаев сот актісін орындау сот ісіндегі маңызды саты болып табылатынын, себебі ол мәселені соңына дейін жеткізіп, соттар тәуелсіздігінің айнасына айналатынын және сот актілерінің орындалуына қатысты өзекті мәселелер сот органдарының үнемі бақылауында екенін атап өтті.
Сонымен қатар, аудандық сотта сот актілерінің орындалуына байланысты әр түрлі іс-шаралар тұрақты түрде өткізетіндігін және өндірісі жоғалған сот актілерін орындаудағы бүгінгі күні өзекті мәселелердің бірі екендігін, сот актілерін орындау кезінде электронды түрде жіберілген атқарушылық құжаттарды заңсыз қайтару фактілері бар екенін және өзге де проблемалық мәселелерді де атап өтті.
Дөңгелек үстел барысында азаматтық, әкімшілік және қылмыстық істер бойынша сот актілерін орындаудың түйіткілді мәселелері, сот орындаушыларының әрекеттеріне шағымдану туралы азаматтық істерді қараудағы сот тәжірибесі, атқарушылық іс жүргізу органдарындағы атқару құжаттарының орындалу заңдылығы жағдайы, сот актілерін орындаудың баламалы тәсілдері талқыланды.
Қатысушылар сот актілерін орындау кезінде мемлекет пайдасына өндіріп алу, іс жүргізу шығындарын өндіру бөлігінде туындайтын мәселелер мен оларды шешу жолдарын талқылады.
Ақтөбе облысы Мұғалжар аудандық сотының бас маманы А.Шекенова
[xfvalue_img]
4 пікір